ଯାଜପୁର: ଯାଜପୁର କୋରେଇ ବ୍ଳକ ତେଲିଆ ଗାଁରେ ଶନିବାର ଭୟାବହ ଅଗ୍ନିକାଣ୍ଡ ଘଟିଛି । ଅଗ୍ନିକାଣ୍ଡରେ ୩ ବଖରା ଘର ଜଳିପୋଡି ଛାରଖାର ହୋଇଯିବା ସହ ବ୍ୟାପକ ଧନ ସମ୍ପତ୍ତି ପୋଡି ପାଉଁଶ ହେଇଯାଇଥିବା ଜଣାପଡିଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।
ନିଆଁ ଆଁରେ ତେଲିଆ ଗାଁର ୩ ବଖରା ଘର ଛାରଖାର୍
ସୂଚନା ଅନୁଯାୟୀ, କୋରେଇ ବ୍ଳକ ତେଲିଆ ଗାଁର ରମେଶ ମହାପାତ୍ରଙ୍କ ପରିବାର ଲୋକେ ରାତିରେ ଖାଇ ପିଇ ଶୋଇଥିଲେ। ବିଳମ୍ବିତ ରାତିରେ ସର୍ଟସର୍କିଟ ଯୋଗୁଁ ତାଙ୍କ ଘରେ ନିଆଁ ଲାଗି ଯାଇଥିଲା । ଫଳରେ ପରିବାର ଲୋକେ ଜୀବନ ରକ୍ଷା ପାଇଁ ଘରୁ ବାହାରକୁ ପଳେଇ ଆସିଥିଲେ । ତେବେ ରମେଶଙ୍କ ପଡୋଶୀ ଲୋକ ଓ ପରିବାର ଲୋକେ ନିଆଁ ଲିଭେଇବାକୁ ଚେଷ୍ଟା କରିଥିଲେ ସୁଦ୍ଧା ନିଆଁର ପ୍ରକୋପ ଏତେ ମାତ୍ରାରେ ଥିଲା ଯେ ଗ୍ରାମ ଲୋକ ନିଆଁକୁ ଆୟତ୍ତ କରିବାରେ ବିଫଳ ହୋଇଥିଲେ ।