ଯାଜପୁର: ଛଟେଇ ହେଉଛନ୍ତି ଡାଟା ଏଣ୍ଟ୍ରି ଅପରେଟର ଓ ପ୍ରୋଟୋକଲ ମ୍ୟାନେଜର । ଏପରିକି 7 ମାସର ବକେୟା ଦରମା ଓ ୮ବର୍ଷର ଏରିଅର ଟଙ୍କା ନ ଦେଇ ବିନା ନୋଟିସରେ ରାତି ଅଧିଆ ଚାକିରିରୁ ବାହାର କରିଦିଆଯାଇଛି । ଏଭଳି ଅଭିଯୋଗ ଆଣିଛନ୍ତି ଯାଜପୁରର ବିଭିନ୍ନ ସରକାରୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର 28 କର୍ମଚାରୀ ।
ଭିଡିଓ ସୌଜନ୍ୟ-ସମ୍ବାଦଦାତା, ଯାଜପୁର
ଏ ନେଇ ସେମାନେ ଉତ୍ତେଜିତ ହେବା ସହ ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । ଏଥିରେ ସେମାନେ ବକେୟା ପ୍ରାପ୍ୟ ଓ ଦରମା ପ୍ରଦାନ କରିବାକୁ ଦାବି କରିଛନ୍ତି । ଏଥିସହ ଏହାର ପୁର୍ନବିଚାର କରି ସେମାନଙ୍କ ପୁନଃଥଇଥାନ ନେଇ ଜଣାଇଯାଇଛି ।