ଯାଜପୁର: ଜିଲ୍ଲା ଦଶରଥପୁର ବ୍ଲକ ଦତପୁର ଗାଁରେ ଥିବା ୧୫୦ ଏକର ଗୋଚର ଜମିକୁ ଅକ୍ତିଆର କରିବାକୁ କେତେକ ମୁଷ୍ଟିମେୟ ବ୍ୟକ୍ତି ଚକ୍ରାନ୍ତ କରିଥିବା ଅଭିଯୋଗ ହୋଇଛି। ଏହି ଗୋଚର ଜମିରେ ବିଭିନ୍ନ ସରକାରୀ ପ୍ରକଳ୍ପ କରିବା ନାଁରେ ଜମିକୁ ଜବରଦଖଲ କରିବାକୁ ଯୋଜନା କରିଥିବା ଅଭିଯୋଗ କରିଛନ୍ତି ଗ୍ରାମବାସୀ ।
ଏହି ଜମିକୁ ଲୋକେ ଖେଳପଡିଆ ଭାବେ ବ୍ୟବହାର କରିଆସୁଥିଲେ ହେଁ ପ୍ରଭାବଶାଳୀ ଗୋଷ୍ଠୀ ଜବରଦଖଲ କରି ହଡପ କରିବାକୁ ଚକ୍ରାନ୍ତ କରୁଥିବା ଜିଲ୍ଲାପ୍ରଶାସନ ନିକଟରେ ଅଭିଯୋଗ ହୋଇଛି । ଏନେଇ ଗ୍ରାମବାସୀଙ୍କ ପକ୍ଷରୁ ଯାଜପୁର ରାଜସ୍ୱ ଅତିରିକ୍ତ ଜିଲ୍ଲାପାଳଙ୍କ ନିକଟରେ ଅଭିଯୋଗ କରାଯାଇଛି। ତୁରନ୍ତ ସେଠାରୁ ଜବରଦଖଲକାରୀଙ୍କୁ ଉଚ୍ଛେଦ କରି ତାଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ଗ୍ରାମବାସୀ ।
ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ
