ଯାଜପୁର: ରାସ୍ତା କଡରେ ଗୋମାଂସ ପକାଇବାକୁ ନେଇ ଉତ୍ତେଜନା। ଗାନ୍ଧି ଛକ ନିକଟସ୍ଥ ରିଂ ରୋଡ଼ ପାର୍ଶ୍ବରେ ବସ୍ତାରେ ଭର୍ତ୍ତି ହୋଇ ଗୋମାଂସ ପଡିଥିବା ଦେଖିବାକୁ ମିଳିଥିଲା । ଯାହାର ପ୍ରତିବାଦ କରି ଉତ୍ୟକ୍ତ ଲୋକେ ଟାୟାର ଜାଳି ରାସ୍ତାରୋକ କରିଥିଲେ। ଘଟଣାସ୍ଥଳରେ ଏସପି ଚରଣ ସିଂ ମିନା ଓ ଉପଜିଲ୍ଲାପାଳ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା।
ଗୋ-ମାଂସ ଫିଙ୍ଗିବାକୁ ନେଇ ଯାଜପୁରରେ ଉତ୍ତେଜନା
ଏହି ସ୍ଥାନଟି ବୈତରଣୀ ନଦୀ କୂଳରେ ହୋଇଥିବାରୁ ନଦୀ ପ୍ରଦୂଷିତ ହେବାର ଆଶଙ୍କା ଦେଖାଦେଇଛି। ଏଥିପାଇଁ ସହରରେ ଥିବା କଂସେଇ ଖାନାକୁ ବନ୍ଦ କରିବାକୁ ଦାବି କରିଛନ୍ତି ଉତ୍ୟକ୍ତ ଲୋକେ। ସହରରେ କଂସେଇ ଖାନା ଥିବାରୁ ବାରମ୍ବାର ଏଭଳି ଅଘଟଣ ଘଟୁଥିବା ନେଇ ଅଭିଯୋଗ ହେଉଛି। କଂସେଇ ଖାନା ଯୋଗୁଁ ଚତୁର୍ପାଶ୍ବ ଦୁର୍ଗନ୍ଧମୟ ହେଉଥିବା କହିଛନ୍ତି ଆନ୍ଦୋଳନକାରୀ ।