ଯାଜପୁର: ବ୍ୟାସନଗର ପୌରପରିଷଦ ପୂର୍ବତନ ପୌରାଧ୍ୟକ୍ଷା ସବିତା ରାଉତଙ୍କ ନେତୃତ୍ବରେ ବିଜୁ ମହିଳା ଜନତା ଦଳ ପକ୍ଷରୁ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଛି । ବିଜେଡି ଲୋକସଭା ପ୍ରାର୍ଥୀନୀ ଶର୍ମିଷ୍ଠା ସେଠୀ ଓ କୋରେଇ ନିର୍ବାଚନ ମଣ୍ଡଳୀ ବିଧାୟକ ପ୍ରାର୍ଥୀ ଅଶୋକ ବଳଙ୍କୁ ବିଜେଡି ମହିଳା ସଂଗଠନ ପକ୍ଷରୁ ସ୍ବାଗତ ସମ୍ବର୍ଦ୍ଧନା ଜଣାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା,ଯାଜପୁର
ସୂଚନା ଯୋଗ୍ୟ ଯେ ପ୍ରାୟ ବର୍ଷକ ତଳେ ଦଳବିରୋଧି କାର୍ଯ୍ୟ କରୁଥିବା ଦର୍ଶାଇ ପୂର୍ବତନ ପୌରାଧ୍ୟକ୍ଷା ସବିତା ରାଉତଙ୍କୁ ବିଜେଡିରୁ ନିଲମ୍ବିତ କରାଯାଇଥିଲା । ଚଳିତ ନିର୍ବାଚନ ପରିପ୍ରେକ୍ଷୀରେ ଏବେ ତାଙ୍କ ନିଲମ୍ବନ ପ୍ରତ୍ୟାହାର କରାଯାଇ ପୁଣି ତାଙ୍କୁ ବିଜେଡି ଦଳରେ ସାମିଲ କରିଛି । ତେବେ ସେ ଦଳରେ ସାମିଲ ହେବା ପରେ ଆଜି ତାଙ୍କ ନେତୃତ୍ବରେ ଏକ ମହିଳା ସମାବେଶର ଆୟୋଜନ କରାଯାଇ ସେଠାରେ ଦଳୀୟ ପ୍ରାର୍ଥୀ ମାନଙ୍କୁ ସମ୍ବର୍ଦ୍ଧିତ କରାଯାଇଛି ।