BJD Foundation Day: ବିଜେଡି ପ୍ରତିଷ୍ଠା ଦିବସରେ ଯୋଗଦେଲେ କୋରେଇ ବିଧାୟକ

ଯାଜପୁର କୋରେଇ ବ୍ଳକ ଧନେଶ୍ୱର ଖେଳପଡ଼ିଆରେ BJDର ୨୫ତମ ପ୍ରତିଷ୍ଠା ଦିବସ(BJD Foundation Day) ପାଳିତ । ଅଧିକ ପଢନ୍ତୁ

ଯାଜୁପର: କୋରେଇ ବ୍ଳକ ଧନେଶ୍ୱର ଖେଳପଡ଼ିଆରେ BJDର ୨୫ତମ ପ୍ରତିଷ୍ଠା ଦିବସ(BJD Foundation Day) ପାଳିତ । କାର୍ଯ୍ୟକ୍ରମରେ ଯୋଗଦେଲେ ହଜାର ହଜାର BJD କର୍ମୀ । ଜିଲ୍ଲା BJD ସଭାପତି ପ୍ରତାପ ମହାନ୍ତିଙ୍କ ନେତୃତ୍ୱରେ ଆୟୋଜିତ ପ୍ରତିଷ୍ଠା ଦିବସରେ ମୁଖ୍ୟ ଅତିଥି ଭାବେ ଯୋଗଦେଇଥିଲେ କୋରେଇ ବିଧାୟକ ଅଶୋକ କୁମାର ବଳ ।

ଦୀର୍ଘ ୨୫ ବର୍ଷ ଧରି ବିଜେଡି ଦଳ ରାଜ୍ୟର ବିକାଶ ପାଇଁ ଯେଭଳି କାର୍ଯ୍ୟ କରିଛି, ସେ ସମ୍ପର୍କରେ ବିଧାୟକ ନିଜ ବକ୍ତବ୍ୟରେ ଉଲ୍ଲେଖ କରିଥିଲେ । ଏହି କାର୍ଯ୍ୟକ୍ରମ ଜିଲ୍ଲା ବିଜେଡି ମହିଳା ସଭାନେତ୍ରୀ ସବିତା ରାଉତ, ରାଜ୍ୟ ବିଜେଡି ମହିଳା ସାଧାରଣ ସମ୍ପାଦିକା ଉଷାରାଣୀ ସାମଲ, ବ୍ୟାସନଗର ପୌର ପରିଷଦର ପୂର୍ବତନ ଅଧ୍ୟକ୍ଷା ସରୋଜିନୀ ବଳ ଓ ପୂର୍ବତନ ଅଧ୍ୟକ୍ଷ ରସାନନ୍ଦ ମହାନ୍ତି ଓ କୋରେଇ ବିଜେଡି ବ୍ଳକ ସଭାପତି ଭକ୍ତ ବତ୍ସଲ ସ୍ଵାଇଁ ଉପସ୍ଥିତ ରହି ବିଜୁ ଜନତା ଦଳର ନୀତି ଆଦର୍ଶ ସମ୍ପର୍କରେ ଆଲୋଚନା କରିଥିଲେ ।

ସେହିପରି କାର୍ଯ୍ୟକ୍ରମରେ କୋରେଇ, ରସୁଲପୁର ଓ ବ୍ୟାସନଗର ପୌର ପରିଷଦର ଯୁବ, ମହିଳା ଓ ବରିଷ୍ଠ ବିଜେଡି କର୍ମକର୍ତ୍ତାଙ୍କ ସହିତ ପୂର୍ବତନ କାଉନସିଲ୍, ସରପଞ୍ଚ ଓ ସମିତି ସଭ୍ୟ ଉପସ୍ଥିତ ରହି ୨୫ ବର୍ଷର ଯାତ୍ରା ସମ୍ପର୍କରେ ମୁଖ୍ୟମନ୍ତ୍ରୀ ଡିଜିଟାଲ ମାଧ୍ୟମରେ ଦେଇଥିବା ଅଭିଭାଷଣ ଶୁଣିଥିଲେ ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ