ଯାଜପୁର: ପୂର୍ବ ଶତ୍ରୁତାକୁ କେନ୍ଦ୍ର କରି ମହିଳାଙ୍କୁ ଆକ୍ରମଣ ଧମକ ଅଭିଯୋଗ । ଯାଜପୁର ଜିଲ୍ଲା ଶଙ୍ଖଚିଲା ଗାଁର ଜନୈକ ଯୁବକ ପୂର୍ବ ଶତ୍ରୁତାକୁ ନେଇ ମହିଳାଙ୍କୁ ମାରିଦେବାକୁ ଧମକ ଦେଇଥିବା ଅଭିଯୋଗ ହୋଇଛି । ଏନେଇ ପାଣିକୋଇଲି ଥାନାର ଦ୍ବାରସ୍ଥ ହୋଇଛନ୍ତି ମହିଳା ।
ସୂଚନା ମୁତାବକ ଭଦ୍ରକ ଜିଲ୍ଲା ବନ୍ତ ଥାନା ଅଞ୍ଚଳର ଜନୈକ ଯୁବତୀଙ୍କ ଭଉଣୀ ପାଣିକୋଇଲି ଥାନା ଶଙ୍ଖଚିଲା ଅଞ୍ଚଳରେ ବିବାହ କରିଥିଲେ । ତେବେ ବିବାହ ପରେ ଜନୈକ ଯୁବତୀ ଅଧିକାଂଶ ସମୟରେ ଭଉଣୀର ଶାଶୁ ଘରକୁ ବୁଲିବାକୁ ଆସନ୍ତି। ଏହା ଭିତରେ ଭଉଣୀର ସାନ ଦିଅର ସହିତ ଯୁବତୀଙ୍କ ପ୍ରେମ ସମ୍ପର୍କ ଗଢିଉଠିଥିଲା । ଏଥି ସହିତ ଯୁବତୀଙ୍କୁ ବିବାହର ପ୍ରତିଶ୍ରୁତି ଦେଇ ଅନେକ ସମୟ ଭଉଣୀର ସାନ ଦିଅର ଶାରୀରିକ ସମ୍ପର୍କ ରଖିବା ପରେ ଆଉ ବିବାହ ପାଇଁ ରାଜି ହେଇନଥିଲା ବୋଲି ଅଭିଯୋଗ ହୋଇଛି । ଏହାକୁ ନେଇ ଯୁବତୀ ଜଣକ ଭଉଣୀର ସାନ ଦିଅର ନାଁରେ ପାଣିକୋଇଲି ଥାନାରେ ଅଭିଯୋଗ କରିଥିଲେ। ପୋଲିସ ଏହି ଘଟଣାର ତଦନ୍ତ କରି ଅଭିଯୁକ୍ତ ଯୁବକକୁ କୋର୍ଟ ଚାଲାଣ କରିଥିଲା ।