ଯାଜପୁର: ଜିଲ୍ଲା ପୋଲିସ ହାତରେ ଧରା ପଡିଛନ୍ତି ଗାଡି ଚୋରି ଗ୍ୟାଙ୍ଗ । ଏମାନେ ୨ ଚକିଆ ଠାରୁ ଆରମ୍ଭ କରି ୪ ଚକିଆ ଯାନ ଚୋରିରେ ସମ୍ପୃକ୍ତ ରହିଥିବା ସହ କବାଡିଆ ଦୋକାନ କରି ଗ୍ୟାସ କଟରରେ କାଟି ଖଣ୍ଡ ଖଣ୍ଡ କରି ଗାଡି ପାର୍ଟସକୁ ବିକ୍ରି କରି ଆସୁଥିଲେ । ଯାଜପୁର ଥାନା ଅର୍ନ୍ତଗତ ଶୀତଳେଶ୍ବର ରାଧା କବାଡିଆ କେନ୍ଦ୍ରରେ ଏହି କାର୍ଯ୍ୟ ହେଉଥିବା ବେଳେ ପୋଲିସ ଚଢାଉ କରି ୧୦ଟି ୪ ଚକିଆ ଗାଡିର ପାର୍ଟସ ଜବତ କରିବା ସହ ୩ ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛି ।
ଏହି ଖବର ପ୍ରସାରିତ ହେବା ପରେ ଜିଲ୍ଲା ବାହାରୁ ଚୋରି ହୋଇଥିବା ଗାଡି ମାଲିକଙ୍କ ଥାନାକୁ ସୁଅ ଛୁଟିଛି । କବାଡି ଦୋକାନ ଆଳରେ ଚୋରି ଅଟୋ ବୋଲେରୋ କାର ଓ ବାଇକ ଆଦିର କଟିଙ୍ଗ ଚାଲିଥିଲା । ଯାଜପୁର ଥାନା ଅର୍ନ୍ତଗତ ଶୀତଳେଶ୍ବର ଗ୍ରାମରେ ଚାଲିଥିଲା ଏଭଳି ଚୋରା ଗାଡିର କଟିଙ୍ଗ । ଏହି ଅଭିଯୋଗରେ ଯାଜପୁର ପୋଲିସ ଚଢାଉ କରି ଷ୍କାର୍ପ ବ୍ୟବସାୟୀ ରାଧା ବେହେରା ଗାଡି ଚୋରି କରୁଥିବା ମାନସ ପାଲ ଓ କଟିଙ୍ଗ କରୁଥିବା ସେକ ଇସଲାମ କଟରକୁ ଗିରଫ କରିଥିବା ଯାଜପୁର SDPO ସୂଚନା ଦେଇଛନ୍ତି ।