ଯାଜପୁର: ଗାଧେଇବାକୁ ଯାଇ ନଦୀରେ ବୁଡ଼ିଗଲେ କଲେଜ ଛାତ୍ର । ମୃତକ ଜଣକ ହେଲେ ଯାଜପୁର ଥାନା ଅଧିନସ୍ଥ କୋରକୋରା ଗ୍ରାମର ଅଭିମନ୍ୟୁ ମହାନ୍ତିଙ୍କ ପୁଅ ଅଭିଜିତ ମହାନ୍ତି । ସେ ନିଜ ସାଙ୍ଗ ମାନଙ୍କ ସହ ବୈତରଣୀ ନଦୀକୁ ଗାଧେଇବାକୁ ଯାଇଥିବାବେଳେ ଏହି ଦୁର୍ଘଟଣା ଘଟିଥିଲା ।
ଏହି ଘଟଣା ପରେ ସ୍ଥାନୀୟ ଲୋକେ ଓ ଦମକଳ ବାହିନୀ ଅଭିଜିତଙ୍କୁ ବହୁ ଖୋଜାଖୋଜି କରି ଉଦ୍ଧାର କରିଥିଲେ । ସେଠାରୁ ଯାଜପୁର ମୁଖ୍ୟ ଚିକିତ୍ସାଳୟକୁ ନେଇଥିଲେ ମଧ୍ୟ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଅଭିଜିତ ସ୍ଥାନୀୟ ଯାଜପୁର ଏନ.ସି. କଲେଜର ବାଣିଜ୍ୟ ବିଭାଗର ଛାତ୍ର ଥିଲେ । ତାଙ୍କ ମୃତ୍ୟୁ ପରେ ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ ସୃଷ୍ଟି ହୋଇଛି ।
ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ