ଦଳିତ ସାହିରେ ଅଗ୍ନିକାଣ୍ଡ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ

ବରୀ ବ୍ଲକ ଅନ୍ତର୍ଗତ ଦଳିତ ବସ୍ତିରେ ଭୟାବହ ଅଗ୍ନିକାଣ୍ଡ । ପ୍ରାୟ 10 ଜଣଙ୍କ ଘର ସମ୍ପୂର୍ଣ୍ଣ ପୋଡ଼ି ଯାଇଥିବା ବେଳେ ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ନଷ୍ଟ ହୋଇଯାଇଥିବା ସୂଚନା । ଅଧିକ ପଢନ୍ତୁ...

ଯାଜପୁର: ବରୀ ବ୍ଲକ ଅନ୍ତର୍ଗତ ବାଇଁସିରିଆ ପଞ୍ଚାୟତର ଦଳିତ ବସ୍ତିରେ ଭୟାବହ ଅଗ୍ନିକାଣ୍ଡ । ତେବେ ଗତକାଲି(ଶନିବାର) ହୋଇଥିବା ଏହି ଅଗ୍ନିକାଣ୍ଡରେ ସେହି ବସ୍ତିର ସରସ୍ଵତୀ ମଲ୍ଲିକ,ପ୍ରଦୀପ ମଲ୍ଲିକ,ସୁଶାନ୍ତ ମଲ୍ଲିକ ଏପରିକି ପାଖାପାଖି 10 ଜଣଙ୍କ ଘର ପୋଡ଼ି ସମ୍ପୂର୍ଣ୍ଣ ନଷ୍ଟ ହୋଇ ଯାଇଛି ।

ଏହି ନିଆଁର ମାତ୍ରା ଏତେ ଅଧିକ ଥିଲା ଯେ, ଘରର କୌଣସି ଆସବାବ ପତ୍ର ଉଦ୍ଧାର କରାଯାଇ ପାରିନାହିଁ । ତେବେ ବିପନ୍ନ ପରିବାର ସରକାର ଓ ପ୍ରଶାସନଙ୍କୁ ସହାୟତା ପାଇଁ ନିବେଦନ କରିଛନ୍ତି । ସୂଚନା ପାଇ ଘଟଣା ସ୍ଥଳରେ ଦମକଳ ବିଭାଗ କର୍ମଚାରୀ ପହଞ୍ଚି ନିଆଁକୁ ଆୟତ କରିଥିଲେ ।

ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ