ଯାଜପୁର:ଋଣ ଆଣିବା ଯୁବକଙ୍କ ପାଇଁ କାଳ ହେଲା । ଘରୋଇ ଫାଇନାନ୍ସ କମ୍ପାନୀରୁ ଋଣ ଆଣି ସୁଝି ନ ପାରିବାରୁ ଯୁବକଙ୍କୁ ଅପହରଣ କରି ନେଇ ବନ୍ଧକ ରଖିଲେ ଘରୋଇ କମ୍ପାନୀ କର୍ତ୍ତୃପକ୍ଷ । ତେବେ ପୋଲିସ ଅପହୃତ ଯୁବକଙ୍କୁ ଉଦ୍ଧାର କରିବା ସହିତ ଅପହରଣ କରିବା ଅଭିଯୋଗରେ ଜଣକୁ ଅଟକ ରଖି ପଚରା ଉଚରା ଜାରି ରଖିଛି ।
ଋଣ ପରିଶୋଧ କରି ନ ପାରିବାରୁ ଯୁବକଙ୍କୁ ଅପହରଣ କଲା ଫାଇନାନ୍ସ କମ୍ପାନୀ, ଜଣେ ଅଟକ
ସୂଚନାନୁଯାୟୀ ଘରୋଇ ଫାଇନାନ୍ସ କମ୍ପାନୀରୁ ଖଣ୍ଡରା ଅଞ୍ଚଳର ମାନସ ଗେଡି ନାମକ ଯୁବକ ଋଣ ନେବା ପରେ ଧିରେ ଧିରେ ସୁଧ ପରିଶୋଧ କରୁଥିବା ବେଳେ କିଛି ଦିନ ହେବ କୌଣସି ସମସ୍ୟା ନେଇ ଋଣ ପଇସା ଦେଇପାରି ନଥିଲେ । ତେବେ ଋଣ ଶୁଝି ନ ପାରିବା ଅଭିଯୋଗରେ କମ୍ପାନୀର କର୍ମଚାରୀ କୋରେସା ବିବି ଓ ଅନ୍ୟ ଦୁଇ ଜଣ ଯୁବକ ମାନସଙ୍କୁ ଅପହରଣ କରି ନେଇ କୁସୁମା ପାର୍କ ନିକଟରେ ଏକ ଘରେ ଅଟକ ରଖିଥିଲେ ।