କେନାଲରେ ବୁଡି ଅଢେଇ ବର୍ଷର ଶିଶୁପୁତ୍ର ମୃତ

ଗୁରୁବାର ଯାଜପୁର ଚଇନପୁର ପଞ୍ଚାୟତର ଗୋପାଳପୁର ଗ୍ରାମରେ ସ୍ବରୁପ ନାମକ ଏକ ଶିଶୁ ଘର ନିକଟରେ ଥିବା କେନାଲ ବନ୍ଧ ଉପରେ ଖେଳୁଥିବା ସମୟରେ ଗଭୀର ପାଣିକୁ ଖସି ପଡ଼ି ତାଙ୍କର ମୃତ୍ୟୁ ଘଟିଛି ।

ଯାଜପୁର: କେନାଲରେ ବୁଡ଼ି ଏକ ଅଢେଇ ବର୍ଷ ଶିଶୁର ମୃତ୍ୟୁ ଘଟିଛି । ଏପରି ଅଭାବନୀୟ ଘଟଣା ଘଟିଛି ଯାଜପୁର ଚଇନପୁର ପଞ୍ଚାୟତର ଗୋପାଳପୁର ଗ୍ରାମରେ । ମୃତ ଶିଶୁଜଣକ ହେଲେ ଗୋପାଳପୁର ଗ୍ରାମର ଜଗନ୍ନାଥ ସୁତାରଙ୍କ ପୁତ୍ର ସ୍ବରୂପ ସୁତାର ।

ସୂଚନା ଅନୁଯାୟୀ, ଗୁରୁବାର ସ୍ବରୁପ ତାଙ୍କ ଘର ନିକଟ ଥିବା କେନାଲ ବନ୍ଧ ଉପରେ ଖେଳୁଥିବା ସମୟରେ ଗଭୀର ପାଣିକୁ ଖସିପଡ଼ିଥିଲେ । ଏହାପରେ ପରିବାର ଲୋକେ ବହୁ ଖୋଜାଖୋଜି କରିବା ପରେ ମକେଇପୁର କେନାଲ ପାଣିରୁ ସ୍ବରୁପଙ୍କୁ ଉଦ୍ଧାର କରି ଯାଜପୁର ମୁଖ୍ୟଚିକିତ୍ସାଳୟକୁ ଆଣିଥିଲେ ।

ମାତ୍ର ସେଠାରେ ଡ଼ାକ୍ତର ତାକୁ ମୃତ ଘୋଷଣା କରିଥିଲେ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି ।

ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ