ଜଗତସିଂହପୁର: ତିର୍ତ୍ତୋଲ ଥାନା SI ଅନିରୁଦ୍ଧ ନାୟକଙ୍କ ନାଁରେ ଆସିଛି ସାଙ୍ଘାତିକ ଅଭିଯୋଗ । କୃଷ୍ଣନନ୍ଦପୁର ଫାଣ୍ଡି ନୂଆଗାଁ ଗ୍ରାମର ରଶ୍ମିକାନ୍ତ ସାହୁ ନାମକ ଜଣେ ଯୁବକଙ୍କୁ ଏକ ପ୍ଲାଷ୍ଟିକ ପାଇପରେ ନିସ୍ତୁକ ମାଡ଼ ମାରିବା ସହିତ ତାଙ୍କୁ ପୋଲିସ ନର୍ଦ୍ଦମା ପାଣି ପିଇବା ନେଇ କହିଥିବା SPଙ୍କ ନିକଟରେ ଅଭିଯୋଗ ହୋଇଛି ।
ପାଇଖାନା ପାଇଁ ଥାନାରେ ଯୁବକ, ନିସ୍ତୁକ ମାଡ଼ ମାରି ନର୍ଦ୍ଦମା ପାଣି ପିଇବାକୁ କହିଲା ପୋଲିସ
ଅଭିଯୋଗ ଅନୁସାରେ, କୃଷନନ୍ଦପୁର ନୂଆଗାଁ ଅଞ୍ଚଳର ରଶ୍ମିକାନ୍ତ ସାହୁ ଓ ସେହି ଗାଁର ଧରଣୀଧର ସାହୁଙ୍କ ମଧ୍ୟରେ ଏକ ଲାଟିନ ନିର୍ମାଣକୁ କେନ୍ଦ୍ରକରି ବିବାଦ ଉପୁଜିଥିଲା । ଏହି ଘଟଣାକୁ ନେଇ ରଶ୍ମିକାନ୍ତ ଓ ତାଙ୍କ ମା ତିର୍ତ୍ତୋଲ ଥାନାରେ ଅଭିଯୋଗ କରିଥିଲେ । ତେବେ SI ଅନିରୁଦ୍ଧଙ୍କ ଡ଼ାକରାରେ ରଶ୍ମିକାନ୍ତ 12 ତାରିଖ ସନ୍ଧ୍ୟାରେ ଥାନାକୁ ଯାଇଥିଲେ । ଏଥିରେ ଏସଆଇ ଜଣଙ୍କ ଉତକ୍ଷିପ୍ତ ହୋଇ ରଶ୍ମିକାନ୍ତଙ୍କୁ ଚାପୁଡ଼ା ମାରିବା ସହ ସିସିଟିଭି କ୍ୟାମେରା ଆଢୁଆଳରେ ଚାରି ଜଣ ପୋଲିସ କର୍ମଚାରୀ ମିଶି ତଳେ ପକାଇ ଚଢିଯିବା ସହ ପ୍ଲାଷ୍ଟିକ ପାଇପରେ ନିର୍ଦ୍ଧୁମ ମାଡ ମାରିଥିଲେ ।