ମଦକୁ ବିରୋଧ କରି ମହିଳାଙ୍କ ପୋଡାଜଳା ସହ ରାସ୍ତା ଅବରୋଧ

ତେଜିବାରେ ଲାଗିଛି ମଦ ବିରୋଧୀ ଆନ୍ଦୋଳନ । ଏନେଇ ଶୁକ୍ରବାର ଉତ୍ତ୍ୟକ୍ତ ମହିଳାମାନେ ଭଙ୍ଗାରୁଜା କରିବା ସହ ପୋଡାଜଳା ମଧ୍ୟ କରିଛନ୍ତି ।

ଜଗତସିଂହପୁର: ତେଜିବାରେ ଲାଗିଛି ମଦ ବିରୋଧୀ ଆନ୍ଦୋଳନ । ଏନେଇ ଶୁକ୍ରବାର ଉତ୍ତ୍ୟକ୍ତ ମହିଳାମାନେ ଭଙ୍ଗାରୁଜା କରିବା ସହ ପୋଡାଜଳା ମଧ୍ୟ କରିଛନ୍ତି । ଫଳରେ କନ୍ଦରପୁର-ଜଗତସିଂହପୁର 55ନଂ ଜାତୀୟ ରାଜପଥ ଅବରୋଧ ହେବା ସହ ଯାତାୟତ ବାଧାପ୍ରାପ୍ତ ହୋଇଛି ।

ତେବେ ଘଟଣାସ୍ଥଳରେ ପୋଲିସ ପହଞ୍ଚି ମହିଳାଙ୍କୁ ବୁଝାସୁଝା କରିବାକୁ ଚେଷ୍ଟା ଜାରି ରଖିଛି । ପ୍ରକାଶ ଯେ ଗତ 9 ତାରିଖରେ ସମ୍ପୃକ୍ତ ଅଞ୍ଚଳରେ ମଦ ଦୋକାନ ସବୁକୁ ବନ୍ଦ କରିବା ପାଇଁ ସ୍ଥାନୀୟ ମହିଳାମାନେ ଆନ୍ଦୋଳନକୁ ଓହ୍ଲାଇଥିଲେ । ଏନେଇ ଅବକାରୀ ବିଭାଗକୁ ଅବଗତ କରାଇଥିଲେ । ଖୁବ୍‌ଶୀଘ୍ର ଏହାର ସମାଧାନ ନହେଲେ ଆନ୍ଦୋଳନକୁ ତୀବ୍ରତର କରିବା ପାଇଁ ଚେତାବନୀ ଦେଇଥିଲେ ।

ହେଲେ ଦାବି ପୂରଣ ନହେବାରୁ ଶୁକ୍ରବାର ରାଜରାସ୍ତାକୁ ଓହ୍ଲାଇଛନ୍ତି ଉତ୍ତ୍ୟକ୍ତ ମହିଳା ।

ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ