ଜଗତସିଂହପୁର: କୋରୋନା ପରେ ଦାଉ ସାଜିଛି ବନ୍ୟା । ବନ୍ୟାରେ ନଦୀ ପଠାରେ ହୋଇଥିବା ପନି ପରିବା ଚାଷ ସମ୍ପୂର୍ଣ୍ଣ ଭାବରେ ଉଜୁଡିଯାଇଛି । ଫଳରେ ପନିପରିବା ଦର ଏବେ ଆକଶ ଛୁଆଁ । 400 ଟଙ୍କା ନେଇ ବଜାରକୁ ଗଲେ ବ୍ୟାଗ ପୁରୁନି । ଫଳରେ ଯେଉଁଠି 1 କିଲୋ ପରିବା ଆଣିବା କଥା ସେଇଠି ଅଧା କେଜି କିମ୍ବା ଅଢେଇ ଶହ ଗ୍ରାମରେ ମନ ବୁଝାଉଛନ୍ତି ଖାଉଟି । ସେପଟେ ଦର ବଢୁଥିବା ଯୋଗୁଁ ଜଗତସିଂହପୁର ଜିଲ୍ଲାରେ ଏବେ ପରିବା ସଙ୍କଟ ଦେଖା ଦେଇଛି ।
ବନ୍ୟା ଧୋଇନେଲା ପରିବା ଚାଷ, ହାଟ ଏବେ ପରିବା ଶୂନ୍ୟ
ଜିଲ୍ଲାର ପ୍ରମୁଖ 10 ରୁ ଅଧିକ ସାପ୍ତାହିକ ପରିବା ହାଟ ଗୁଡିକରେ ପରିବା ନ ଥିବାରୁ ଦର ଆକାଶ ଛୁଆଁ ହୋଇଛି। ପାରାଦ୍ବୀପ ସହରର ପରିବା ଚାହିଦା ମେଣ୍ଟାଉ ଥିବା କୁଜଙ୍ଗ ହାଟ ଏବେ ପରିବା ଶୂନ୍ୟ ହୋଇ ପଡିଛି । ସେହିପରି ଜଗତସିଂହପୁର ସହରର ସୋମନାଥ ହାଟ, ନାଉଗାଁ ହାଟ, ବିରିଡି ହାଟ, ବାଲିକୁଦା ହାଟରେ ପରିବା ନଥିବାରୁ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି।