ଜଗତସିଂହପୁର: ତ୍ରିର୍ତ୍ତୋଲ ବ୍ଲକ ଗରମ ପଞ୍ଚାୟତ ଅନ୍ତର୍ଗତ ବନଦୁର୍ଗା ଗାଁର ଧୋବିଲତା ଆଉ ନାହାନ୍ତି। ଧୋବିଲତା ଓ ତାଙ୍କ ମାନସିକ ଅନଗ୍ରସର ପୁଅ ସୁକାନ୍ତ ଜେନାଙ୍କ ସମ୍ପର୍କରେ ଗଣମାଧ୍ୟମରେ ବାରମ୍ବାର ଖବର ପ୍ରକାଶ ପାଉଥିଲା । କିନ୍ତୁ କୌଣସି ପ୍ରଶାସନିକ ଅଧିକାରୀ କି ଜିଲ୍ଲା ସ୍ବାସ୍ଥ୍ୟ ବିଭାଗ ଅଧିକାରୀଙ୍କ ସେଠାରେ ପାଦ ପଡିନଥିଲା। ଔଷଧ ବିନା ଯନ୍ତ୍ରଣାରେ ଛଟପଟ ହୋଇ ଗତକାଲି ରାତିରେ ଧୋବିଲତାଙ୍କର ମୃତ୍ୟୁ ହୋଇ ଯାଇଛି।
ମାନସିକ ବିକୃତ ସୁକାନ୍ତଙ୍କ ର ଚିକିତ୍ସା ଭାର ଜିଲ୍ଲା ସ୍ବାସ୍ଥ୍ୟ ବିଭାଗ ଉପରେ
ମା'ଙ୍କ ପରେ ଏବେ ତାଙ୍କ ପୁଅ ମୃତ୍ୟୁ ସହ ସଂଗ୍ରାମ କରୁଛନ୍ତି । ସୂଚନାଯୋଗ୍ୟ ଯେ, ଧୋବିଲତା ସ୍ତନ କର୍କଟ ରୋଗରେ ପୀଡିତ ଥିଲେ । ତାଙ୍କର ଏକମାତ୍ର ପୁଅ ମାନସିକ ରୋଗରେ ପୀଡିତ। ଆର୍ଥିକ ସ୍ଥିତି ଭଲ ନଥିବାରୁ ଉଭୟ ମା' ଓ ପୁଅ ଔଷଧ ଖାଇ ପାରିନଥିଲେ। ଔଷଧ ବିନା ଧୋବିଲତାଙ୍କର ମୃତ୍ୟୁ ହୋଇଛି ।