ଜଗତସିଂହପୁର: ଜଗତସିଂହପୁର ଜିଲ୍ଲାରେ ଆଜି(ମଙ୍ଗଳବାର) ନିରାଡ଼ମ୍ବର ଭାବେ ଦେବୀ ମା' ଦୁର୍ଗାଙ୍କ ଭସାଣୀ ଉତ୍ସବ ଅନୁଷ୍ଠିତ ହୋଇଯାଇଛି। କୋଭିଡ ଗାଇଡଲାଇନ ଅନୁଯାୟୀ ଚଳିତ ବର୍ଷ ଦେବୀ ମା' ଦୁର୍ଗାଙ୍କ ଭସାଣୀ ଉତ୍ସବ ଅନୁଷ୍ଠିତ ହୋଇଯାଇଛି। କୋରୋନା ମହାମାରୀ ଯୋଗୁଁ ଚଳିତ ବର୍ଷ ଦୁର୍ଗା ପୂଜା ଫିକା ପଡ଼ିଥିଲା।
ଜଗତସିଂହପୁରରେ ନିରାଡ଼ମ୍ବର ଭାବେ ବିଦାୟ ନେଲେ ଦେବୀ ମା' ଦୁର୍ଗା
ଭସାଣୀ ଉତ୍ସବ ପୂର୍ବରୁ ମା'ଙ୍କ ବିସର୍ଜନ ପୂଜା କରାଯାଇଥିଲା। ତେବେ କୋରୋନା କଟକଣା ଯୋଗୁଁ ଚଳିତ ବର୍ଷ ମା'ଙ୍କ ନିକଟରେ ସିନ୍ଦୁର ଖେଳ ହୋଇ ପାରିନଥିଲା। ଏହାପରେ ଜଗତସିଂହପୁର ଜିଲ୍ଲା ପ୍ରାୟ ସମସ୍ତ ପୂଜା କମିଟି ଏକତ୍ରିତ ହୋଇଥିଲେ। ମା'ଙ୍କ ସମସ୍ତ ମୁଣ୍ମୟୀ ମୂର୍ତ୍ତି ଗୁଡିକୁ ଛୋଟ ଛୋଟ ଗାଡ଼ିରେ ପୋଷ୍ଟ ଅଫିସ ଛକ ଦେଇ ଅଣା ଯାଇଥିଲା। ଏହାପରେ ବଜାର ନିକଟରେ ମା'ଙ୍କ ବିସର୍ଜନ ପାଇଁ ନିର୍ମିତ ହୋଇଥିବା ଅସ୍ଥାୟୀ ପୋଖରୀକୁ ଅଣା ଯାଇଥିଲା।