ଜଗତସିଂହପୁର: ସହରରେ ଥିବା ନବକୃଷ୍ଣ ଚୌଧୁରୀ ଷ୍ଟାଡିୟମ(nabakrushna chowdhury stadium) ଏବେ ଚରମ ଅବହେଳାର ଶିକାର ହୋଇଛି। ଖେଳକୁଦ ପାଇଁ ସ୍ବତନ୍ତ୍ର ମହତ୍ବ ବହନ କରୁଥିବା ଏହି ଷ୍ଟାଡିୟମ, ଏବେ ହତଶିରୀ । ଗତ 15 ଦିନ ହେବ ଟାଟା ପାୱାର(Tata power) ତାର ପାୱାର ଦେଖାଇ ଷ୍ଟାଡିୟମରୁ ବିଦ୍ୟୁତ ସଂଯୋଗ ବିଚ୍ଛିନ୍ନ କରି ଦେଇଥିବା ବେଳେ ଜିଲ୍ଲା କ୍ରୀଡା ବିଭାଗ ଚୁପ୍ ରହିଛି ।
ଜଗତସିଂହପୁର ନବକୃଷ୍ଣ ଚୌଧୁରୀ ଷ୍ଟାଡିୟମରୁ ବିଦ୍ୟୁତ ସଂଯୋଗ କାଟିଲା TATA Power
ଜିଲ୍ଲା ପ୍ରଶାସନ ଦ୍ବାରା ପରିଚାଳିତ ଏହି ଷ୍ଟାଡିୟମରେ କ୍ରୀଡା ବିଭାଗ ପକ୍ଷରୁ ପୂର୍ବତନ ଜିଲାପାଳ ସଂଗ୍ରାମ କେଶରୀ ମହାପାତ୍ର ଥିବା ସମୟରେ କୋଟି କୋଟି ଟଙ୍କା ଖର୍ଚ୍ଚ କରାଯାଇ ଆଧୁନିକୀକରଣ କରାଯାଇଥିଲା । ଷ୍ଟାଡିୟମ ଚତୃପାର୍ଶ୍ଵରେ ଦାମୀ ଗଛ ଲଗାଯିବା ସହିତ ପିଚ୍କୁ ଖେଳ ଉପଯୋଗୀ କରାଯାଇଥିଲା। କିନ୍ତୁ ବର୍ତ୍ତମାନ ଜିଲ୍ଲା ପ୍ରଶାସନ ଓ କ୍ରୀଡା ବିଭାଗ ର ଅବହେଳା ଯୋଗୁଁ ଷ୍ଟାଡିୟମଟି ମରୁଭୂମିରେ ପରିଣତ ହୋଇଛି।