ଜଗତସିଂହପୁରରେ ସ୍ୱାମୀ ବିବେକାନନ୍ଦଙ୍କ ଜୟନ୍ତୀ ପାଳିତ

ସ୍ବାମୀ ବିବେକାନନ୍ଦଙ୍କ ଜୟନ୍ତୀଙ୍କୁ ଜଗତସିଂହପୁର ଜିଲ୍ଲାର ବିଭିନ୍ନ ସ୍ଥାନରେ ପାଳନ କରାଯାଇଛି । ଅଧିକ ପଢନ୍ତୁ...

ଜଗତସିଂହପୁର: ମଙ୍ଗଳବାର ଜିଲ୍ଲାରେ ଆଦର୍ଶ ପୁରୁଷ ସ୍ୱାମୀ ବିବେକାନନ୍ଦଙ୍କ ଜନ୍ମ ଜୟନ୍ତୀ ଓ ଜାତୀୟ ଯୁବ ଦିବସକୁ ପାଳନ କରାଯାଇଛି । ଏହି ଅବସରରେ ସ୍ବାମୀ ବିବେକାନନ୍ଦ ସ୍ବୟଂ ଶାସିତ ମହାବିଦ୍ଯାଳୟର ପରିସରରେ ସ୍ବାମୀଜୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯାଇଛି ।

ଆଜି ଯୁଗପୁରୁଷ ତଥା ଯୁବ ସମାଜର ପ୍ରେରଣାର ଉତ୍ସ ସ୍ବାମୀ ବିବେକାନନ୍ଦଙ୍କ ଜନ୍ମ ବାର୍ଷିକୀ । ଏହି ଦିବସକୁ ଜିଲ୍ଲାର ବିଭିନ୍ନ ସ୍ଥାନରେ ପାଳନ କରାଯାଇଛି । ଜିଲ୍ଲାର ସ୍ବାମୀ ବିବେକାନନ୍ଦ ସ୍ବୟଂ ଶାସିତ ମହାବିଦ୍ୟାଳୟର ପରିସରରେ ଥିବା ସ୍ବାମୀଜୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ ସହିତ ସ୍ୱାମୀଜୀଙ୍କ ଆଦର୍ଶରେ ଅନୁପ୍ରାଣିତ ହେବାକୁ ଯୁବବର୍ଗ ଶପଥ ନେଇଥିଲେ ।

ସେପଟେ ଜିଲ୍ଲାର ଅନ୍ୟ ସ୍ଥାନ ଯଥା ପାରାଦ୍ୱୀପ, ରଘୁନାଥପୁର, ବାଲିକୁଦା, ଏରସମା ଆଦି ସ୍ଥାନରେ ସ୍ୱାମୀଜୀଙ୍କ ଜୟନ୍ତୀ ପାଳନ କରାଯାଇଥିଲା । ସ୍ବାମୀଜୀଙ୍କ ବାର୍ତ୍ତାକୁ ସମାଜ ଗଠନରେ ବ୍ୟବହାର କରିବା ପାଇଁ ଯୁବକମାନେ ଶପଥ ନେବା ସହିତ ବିଭିନ୍ନ ସ୍ଥାନରେ ସ୍ବେଚ୍ଛାକୃତ ଭାବେ ଗ୍ରାମ ସଫେଇ କରିଥିଲେ ।

ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ