ଜଗତସିଂହପୁର: ଜିଲ୍ଲାର ପ୍ରସିଦ୍ଧ ପୀଠ ଗୋରଖନାଥଙ୍କ ମନ୍ଦିରରେ ଆସନ୍ତା 26ରୁ ଆରମ୍ଭ ହେବାକୁ ଥିବା ଅକ୍ଷୟ ତୃତୀୟା ଓ ସାମ୍ବଛାରିକ ପୂଜାର୍ଚ୍ଚନା ଉପରେ ରୋକ ଲଗାଇଛି ଜଗତସିଂହପୁର ଜିଲ୍ଲା ପ୍ରଶାସନ । ଏହାସହ ମନ୍ଦିର ପରିସରରେ ଏପ୍ରିଲ 26ରୁ ମେ 3 ପର୍ଯନ୍ତ 144 ଧାରା ଲାଗୁ ପାଇଁ କରାଯାଇଛି ଘୋଷଣା । ମନ୍ଦିରରେ ପୂଜକଙ୍କୁ ମିଶାଇ 4 ଜଣଙ୍କୁ ଛାଡିଦେଲେ ଅନ୍ୟ କୌଣସି ବ୍ୟକ୍ତି ମନ୍ଦିର ପରିସରରେ ରହି ପାରିବେ ନାହିଁ ବୋଲି ନିର୍ଦ୍ଦେଶ ଦିଆଯାଇଛି ।
ଗୋରଖନାଥ ପୀଠର ଯଜ୍ଞ ଉପରେ ଲାଗିଲା ରୋକ, ମନ୍ଦିରରେ ଧାରା 144
ତେବେ କଟକଣା ଲଗାଯାଇଥିବା ସମୟ ମଧ୍ୟରେ ଜନସାଧାରଣଙ୍କୁ ମନ୍ଦିର ପରିସରକୁ ପ୍ରବେଶ କରିବାକୁ ବାରଣ କରାଯାଇଛି । ପୋଲିସ ପ୍ରସସନ ପକ୍ଷରୁ ମନ୍ଦିରର ସମସ୍ତ ରାସ୍ତାକୁ ସିଲ କରାଯିବା ସହ ସୁରକ୍ଷା ବ୍ୟବସ୍ଥାକୁ ମଧ୍ୟ କଡାକଡି କରିଦିଆଯାଇଛି ।