ଜଗତସିଂହପୁର: ଆଜି ଅପରାହ୍ନରେ ଅଚାନକ ଭାବେ ଜିଲ୍ଲାଗସ୍ତ କରିଛନ୍ତି ରାଜ୍ୟ ଗ୍ରାମ୍ୟ ଉନ୍ନୟନ ବିଭାଗର ପ୍ରମୁଖ ଶାସନ ସଚିବ ପ୍ରଦୀପ ଜେନା । ସେ ଅପରାହ୍ନରେ ଜଗତସିଂହପୁରରେ ପହଁଛି ବିଭିନ୍ନ ସ୍କୁଲକୁ ଯାଇ ପିଲାମାନଙ୍କୁ ବିଭିନ୍ନ ପ୍ରଶ୍ନ ପଚାରିଥିଲେ।
ସ୍କୁଲ ଛାତ୍ରଛାତ୍ରୀଙ୍କ ଗହଣରେ ଗ୍ରାମ୍ୟ ଉନ୍ନୟନ ବିଭାଗର ପ୍ରମୁଖ ଶାସନ ସଚିବ ପ୍ରଦୀପ ଜେନା
ବାଲିକୁଦା, ଏରସମା ନାଉଁଗାଁ ଆଦି ସ୍ଥାନରେ ପହଁଛି ବିଭିନ୍ନ ସରକାରୀ କାର୍ଯ୍ୟକୁ ସମୀକ୍ଷା କରିଥିଲେ । ପରେ ସନ୍ଧ୍ୟା ୮ ଟାରେ ଜିଲ୍ଲାପାଳଙ୍କ କାର୍ଯ୍ୟାଳୟର ସଦଭାବନା ସଭାଗୃହରେ ଜିଲ୍ଲାର ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଥିଲେ। ସରକାରଙ୍କ 5T ଯୋଜନା କିପରି କାର୍ଯ୍ୟକାରୀ ହେଉଛି ତାହା ବିଭିନ୍ନ ଅଧିକାରୀଙ୍କ ଠାରୁ ପଚାରି ବୁଝିଥିଲେ ।
ଜଗତସିଂହପୁରରୁ ସୁଶାନ୍ତ ପାତ୍ର ଇଟିଭି ଭାରତ
