ଜଗତସିଂହପୁର: ଚତୁର୍ଥ ପର୍ଯ୍ୟାୟ ନିର୍ବାଚନ ପାଇଁ ଜୋରସୋର ପ୍ରଚାର ଆରମ୍ଭ କରିଛି କଂଗ୍ରେସ । ଦଳ ନିଜର ଷ୍ଟାର ପ୍ରଚାରକଙ୍କ ସହ ବିଭିନ୍ନ ସ୍ଥାନରେ ବିରାଟ ରାଲିର ଆୟୋଜନ କରିଛି । ଶୁକ୍ରବାର ଜଗତସିଂହପୁର ଉପକଣ୍ଠ ନୂଆପୋଲ ନିକଟରୁ କଂଗ୍ରେସ ପକ୍ଷରୁ ଏକ ବିରାଟ ରାଲିର ଆୟୋଜନ କରାଯାଇଥିଲା । ଯେଉଁଥିରେ କଂଗ୍ରେସର ଶତାଧିକ କର୍ମୀ ସାମିଲ ହୋଇଥିଲେ।
ଭିଡିଓ ସୌଜନ୍ୟ: ପ୍ରତିନିଧି ଜଗତସିଂହପୁର
ଏହି ରାଲିରେ କଂଗ୍ରେସର ଷ୍ଟାର ପ୍ରଚାରକ ଭାବରେ ଗୁଲାମନବୀ ଆଜାଦ୍ ଯୋଗଦେଇ କଂଗ୍ରେସ ପ୍ରାର୍ଥୀ ଚିରଞ୍ଜିବ ବିଶ୍ବାଳଙ୍କ ପାଇଁ ପ୍ରଚାର କରିଛନ୍ତି। ଓଡିଶାର ଜନସାଧାରଣ ବର୍ତ୍ତମାନ ପରିବର୍ତ୍ତନ ଚାହୁଁଛନ୍ତି , ଆଗାମୀ ଦିନରେ କଂଗ୍ରେସ ପୂର୍ଣ୍ଣ ବହୁମତ ଆଣି ପାରିବ ବୋଲି ପ୍ରଚାର ସମୟରେ କହିଛନ୍ତି ବରିଷ୍ଠ କଂଗ୍ରେସ ନେତା ଗୁଲାମନବୀ ଆଜାଦ୍।