ଜଗତସିଂହପୁର: ନିର୍ବାଚନ ସମୟରେ ତାତିଲେ ଭୋଟର । ଜଗତସିଂହପୁର ବିଧାୟକ ପ୍ରଶାନ୍ତ କୁମାର ମୁଦୁଲିଙ୍କ ଗାଡି ଅଟକାଇ ଗାଳିଗୁଲଜ କଲେ ଚାନ୍ଦୁରା ଅଞ୍ଚଳବାସୀ । ଗତକାଲି(ମଙ୍ଗଳବାର) ରାତିରେ ବିଧାୟକ ଫେରିବା ସମୟରେ ପାଟେଣୀ ଗାଁ ଲୋକେ ତାଙ୍କୁ ଘେରିବା ସହ ଗାଳିଗୁଲଜ କରିଛନ୍ତି ।
ରାତି ଅଧରେ ଆସି ଏଠାରେ କଣ କରୁଛନ୍ତି ବୋଲି ପ୍ରଶ୍ନ କରିବା ସହ ହୋହାଲ୍ଲା କରିଥିଲେ ଗ୍ରାମବାସୀ । କେତେକ ଲୋକେ ବିଧାୟକଙ୍କ ଗାଡିକୁ ମଧ୍ୟ ଢେଲା, ପଥର ମାଡ଼ କରିଥିବା ଦେଖିବାକୁ ମିଳିଛି । ଏଥିସହ ବିଧାୟକଙ୍କୁ କିଛି ଲୋକେ ଅଶ୍ଲୀଳ ଭାଷାରେ ଗାଲିଗୁଲଜ କରିଛନ୍ତି । ଯାହାକୁ ନେଇ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା । ଏନେଇ ଖବର ପାଇ ପୋଲିସ ପହଞ୍ଚି, ସେଠାରୁ ବିଧାୟକଙ୍କୁ ସୁରକ୍ଷିତ ଉଦ୍ଧାର କରିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ