ଜଗତସିଂହପୁର: ଜିଲ୍ଲାର ଅଧିଷ୍ଠାତ୍ରୀ ଦେବୀ ମା'ଶାରଳାଙ୍କ ମନ୍ଦିରରେ ଆଜିଠାରୁ ଷୋଡଶ ଦିନାତ୍ମକ ଶାରଦୀୟ ପାର୍ବଣ ପୂଜା ଆରମ୍ଭ ହୋଇଛି । ମୂଳାଷ୍ଟମୀ ଠାରୁ ଦଶହରା ପର୍ଯ୍ୟନ୍ତ ଏହି ପାର୍ବଣ ପୂଜା ଚାଲିବ। ପ୍ରତ୍ୟେକ ଦିନ ଷୋଡଶ ଉପଚାର ପୂଜା, ଚଣ୍ଡୀପାଠ, ହୋମା ଦି କର୍ମ ଅନୁଷ୍ଠିତ ହେବ। ପାର୍ବଣ ଅବସରରେ ୧୬ ଦିନ ପର୍ଯ୍ୟନ୍ତ ପ୍ରତ୍ୟେହ ବିଭିନ୍ନ ବେଶରେ ଦର୍ଶନ ଦେବେ ମା’ ଶାରଳା ।
ମା’ଶାରଳାଙ୍କ ପୀଠରେ ଆଜି ଠାରୁ ପାର୍ବଣ ପୂଜା ଆରମ୍ଭ
ଜିଲ୍ଲାର ଏହି ଶକ୍ତି ପୀଠଟି ବାଣୀ ବା ଜିହ୍ଵା କ୍ଷେତ୍ର ନାମରେ ପରିଚିତ। ପ୍ରଚଳିତ ବିଶ୍ବାସ ଅନୁସାରେ, ଏକଦା ଦକ୍ଷଯଜ୍ଞରେ ସତୀ ଝାସ ଦେବାପରେ ଭଗବାନ ଶଙ୍କର ସତୀଙ୍କ ଅର୍ଦ୍ଧଦଗ୍ଧ ଶରୀରକୁ ନେଇ ବିଶ୍ଵ ଭ୍ରମଣ କରିଥିଲେ । ଯାହାକୁ ଭଗବାନ ବିଷ୍ଣୁ ସୁଦର୍ଶନ ଚକ୍ରରେ ଛେଦନ କରିବା ସମୟରେ ଦେବୀଙ୍କର ଜିହ୍ଵା ବା କଣ୍ଠ ଏହି ସ୍ଥାନରେ ପଡିଥିବାର ବିଶ୍ବାସ ରହିଛି । ସେହିଦିନ ଠାରୁ ଏହି ସ୍ଥାନକୁ ବାଣୀକ୍ଷେତ୍ର ନାମରେ ନାମିତ କରାଯାଇଥିବାର ବିଶ୍ବାସ ରହିଥିବାର କୁହାଯାଇଥାଏ।