ଜଗତସିଂହପୁର: ଜିଲ୍ଲାର ପାରାଦ୍ବୀପଠାରେ ଥିବା ଗ୍ୟାସ ଟର୍ମିନାଲରେ ପୁଣି ଶ୍ରମିକ ଅଶାନ୍ତି ଦେଖାଦେଇଛି । ବାହାର ରାଜ୍ୟରୁ ଆସିଥିବା ୨୦ରୁ ଊର୍ଦ୍ଧ୍ବ ଶ୍ରମିକଙ୍କୁ ତିନି ମାସର ଦରମା ଦିଆଯାଇ ନାହିଁ । ଏଣୁ ଶ୍ରମିକମାନେ ଗତ 3 ଦିନ ଧରି ଧାରଣାରେ ବସିଛନ୍ତି ।
ପାରାଦ୍ବୀପ ଗ୍ୟାସ ଟର୍ମିନାଲରେ ପୁଣି ଶ୍ରମିକ ଅଶାନ୍ତି
ଆନ୍ଦୋଳନ କରୁଥିବା ଶ୍ରମିକମାନେ ବାହାର ରାଜ୍ୟରୁ ଆସି ଆଇଓସିଏଲ ଗ୍ୟାସ ଟର୍ମିନାଲର ପାଇପ ଲାଇନ୍ରେ କାର୍ଯ୍ୟ କରୁଛନ୍ତି । ପ୍ରଥମ ମାସରେ ସେମାନେ 20 ଦିନ କାମ କରିଥିବା ବେଳେ ସେମାନଙ୍କୁ ମାତ୍ର 10 ଦିନ କାର୍ଯ୍ୟର ଦରମା ପ୍ରଦାନ କରାଯାଇଛି । ଦରମା ପ୍ରଦାନ କରିବା ପାଇଁ ସମ୍ପୃକ୍ତ ଠିକାଦାର ଗୋଟିଏ ପରେ ଗୋଟିଏ ତାରିଖ ଦେଉଥିଲେ ମଧ୍ୟ ସେମାନଙ୍କୁ ଦରମା ପ୍ରଦାନ କରୁନଥିବା ଅଭିଯୋଗ ହୋଇଛି ।