ଜଗତସିଂହପୁର: କଣ୍ଟିଲୋ ପଞ୍ଚାୟତର କାର୍ଯ୍ୟନିର୍ବାହୀ ଯନ୍ତ୍ରୀ ପଞ୍ଚାନନ ଭୁୟାଁଙ୍କୁ ମାଡ ମାରିଥିବା ଅଭିଯୋଗ ହୋଇଛି । ଏନେଇ ଜଗତସିଂହପୁର ବ୍ଲକର ସମସ୍ତ କର୍ମଚାରୀମାନେ କଲମ ଛାଡ ଅନ୍ଦୋଳନ କରିବା ସହ ଧାରଣାରେ ବସିଥିଲେ ।
ସୂଚନା ଅନୁଯାୟୀ, କଣ୍ଟିଲୋ କାର୍ଯ୍ୟନିର୍ବହୀ ଘଡିମୂଳ ନିକଟରେ ଯିବା ସମୟରେ କୃତ୍ତିବାସ ନାୟକ ନାମକ ଜଣେ ଯୁବକ ତାଙ୍କୁ ମାଡ ମାରିଥିଲେ । ପରେ ଏସମ୍ପର୍କରେ ଥାନାରେ ମାମଲା ରୁଜୁ ହୋଇଥିଲେ ସୁଦ୍ଧା ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିଲେ । ଫଳରେ ବାଧ୍ୟ ହୋଇ ଆଜି(ଗୁରୁବାର) ବ୍ଲକ୍ କର୍ମଚାରୀମାନେ ଧାରଣାରେ ବସିଥିଲେ ।