ଜଗତସିଂହପୁର: ରାତି ପାହିଲେ ମାଙ୍କଡ ଓ ଷଣ୍ଢଙ୍କ ଉତ୍ପାତ ଦେଖିବାକୁ ମିଳିଛି । ଉଜୁଡି ଯାଉଛି ଚାଷୀଙ୍କ ପରିଶ୍ରମର ଫଳ । ସମସ୍ୟାର ସମାଧାନ ଦିଗରେ ବିଫଳ ହୋଇଛି ବନ ବିଭାଗ । ଏହାର ବିରୋଧ କରି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆହୋରାତ୍ର ଧାରଣାରେ ବସିଛି ନବ ନିର୍ମାଣ କୃଷକ ସଙ୍ଗଠନ ।
ମାଙ୍କଡ଼ ଷଣ୍ଡଙ୍କ ଦୌରାତ୍ମ, ଜିଲ୍ଲାପାଲ କାର୍ଯ୍ୟାଳୟ ଆଗରେ ନବ ନିର୍ମାଣ କୃଷକ ସଙ୍ଗଠନର ଧାରଣା
ସଂଗଠନ ପକ୍ଷରୁ କୁହାଯାଇଛି ଯେ ଜିଲ୍ଲାର 17 ହଜାର ବର୍ଗ କିଲୋମିଟର ଅଞ୍ଚଳରେ 13 ଲକ୍ଷ ଲୋକ ବସବାସ କରୁଛନ୍ତି । ସେମାନଙ୍କ ମଧ୍ୟରୁ ପ୍ରାୟ 75 ପ୍ରତିଶତ ଚାଷୀ । କିନ୍ତୁ ରାଜ୍ୟ ସରକାର ଓ ଜିଲ୍ଲା ପ୍ରଶାସନ ଚାଷୀ ମାରଣ ନୀତିଯୋଗୁ ଲୋକେ ଚାଷରୁ ମୁହଁ ଫେରାଇ ବାହାରକୁ ଦାଦନ ଖଟିବାକୁ ଯାଉଛନ୍ତି । ଜିଲ୍ଲା ଧର୍ଥଙ୍ଗ ଗଡ଼ ସଂରଖିତ ଜଙ୍ଗଲରେ ପ୍ରତେକ ଦିନ ଶହ ଶହ ହରିଣ ଆସି ଫସଲ ନଷ୍ଟ କରୁଛନ୍ତି । ସେହିପରି ପ୍ରତେକ ଗାଁରେ ଶହ ଶହ ସଂଖ୍ୟାରେ ମାଙ୍କଡ଼ ପନିପରିବା ଫସଲ ନଷ୍ଟ କରି ଦେଉଛନ୍ତି । ବୁଲା ଷଣ୍ଢ ପ୍ରତି ପ୍ରଶାସନ ଆଖି ବୁଜି ଦେଇଛନ୍ତି । ଯାହାକୁ ନେଇ ଚାଷୀଙ୍କ ମଧ୍ୟରେ ଭାଳେଣି ପଡିଛି ।