ଜଗତସିଂହପୁର: ସହରର ରାସ୍ତା କଡରେ ଚାଲୁଛି ଅବାଧ ମାଂସ କଟା। ମୁଖ୍ୟରାସ୍ତାର ଗାନ୍ଧୀଛକ ଠାରୁ ନୂଆପୋଲ ପଯ୍ୟନ୍ତ ପ୍ରାୟ 20 ରୁ ଅଧିକ ସ୍ଥାନରେ ନିରୀହ ପଶୁଙ୍କୁ ଅତି ନିର୍ମମ ଭାବେ ହତ୍ୟା କରାଯାଇ ଗ୍ରାହକଙ୍କୁ ବିକ୍ରି କରାଯାଉଛି । ଯାହାକୁ ନେଇ ପଶୁ ପ୍ରେମୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
ରାସ୍ତା କଡ ଓ ସ୍କୁଲ ନିକଟରେ ଚାଲିଛି ଅବାଧ ମାଂସକଟା,ସ୍ଥାଣୁ ପ୍ରଶାସନ
ରାସ୍ତା କଡରେ ଏପରି ଅବାଧ ମାଂସ କଟାର ପ୍ରଭାବ କୋମଳ ମତି ସ୍କୁଲ ଛାତ୍ରଛାତ୍ରୀଙ୍କ ଉପରେ ପଡୁଛି। ମାନ୍ୟବର ସର୍ବୋଚ୍ଚ ନ୍ୟାୟାଳୟ ରାସ୍ତା କଡ଼ କିମ୍ବା ସ୍କୁଲ ନିକଟରେ ମାଂସ କଟା ଓ ବ୍ୟବସାୟ ଉପରେ କଟକଣା ଜାରି କରିଥିଲେ ମଧ୍ୟ ଏହି ନିର୍ଦ୍ଦେଶକୁ ଫୁ କରି ମାଂସ ବ୍ୟବସାୟୀ ମାନେ ସ୍କୁଲ ଓ ମୁଖ୍ୟ ରାସ୍ତା କଡରେ ନିଜର ମନମାନୀ ଚଳାଇଛନ୍ତି ।