ଜଗତସିଂହପୁର :ଶାରଳା ମନ୍ଦିର ହୁଣ୍ଡି ଭାଙ୍ଗି ଲକ୍ଷାଧିକ ଟଙ୍କା ଚୋରି ହୋଇଥିବା ଘଟଣା । ଚୋରି ହୋଇଥିବା ହୁଣ୍ଡିରୁ ମିଳିଲା 16 ଲକ୍ଷ 81 ହାଜର 675ଟଙ୍କା । ସେହିପରି 84 ହଜାର 500 ଟଙ୍କା ଖୁଚୁରା ଟଙ୍କା ଥିବା ଜଣାପଡିଛି । ଏନେଇ ମନ୍ଦିର ପ୍ରଶାସନ ପକ୍ଷରୁ ସୂଚନା ମିଳିଛି । ତେବେ ମନ୍ଦିରର ସିଂହଦ୍ଵାର ନିକଟରେ ଥିବା ସେହି ୧ ନମ୍ବର ହୁଣ୍ଡିକୁ ଗତକାଲି(ଶନିବାର) ଖୋଲାଯାଇ ଗଣତି କରାଯାଇଥିଲା ।
ସୂଚନା ମୁତାବକ, ଜଗତସିଂହପୁର ଜିଲ୍ଲାର ଇଷ୍ଟଦେବୀ ମାଆ ଶାରଳାଙ୍କ ମନ୍ଦିରରୁ ଗତ ବୁଧବାର ମଧ୍ୟ ରାତ୍ରିରେ ଚୋରି ହୋଇଥିଲା । ମନ୍ଦିରର 1ନମ୍ବର ହୁଣ୍ଡିରୁ କେହି ଦୁର୍ବୃତ୍ତ ବିଳମ୍ବିତ ରାତିରେ ମନ୍ଦିରରେ ପଶି କଟର ମେସିନ ସହାୟତାରେ ହୁଣ୍ଡି ଭାଙ୍ଗି ଟଙ୍କା ଲୁଟ୍ କରିଥିଲେ। ପରେ ମନ୍ଦିର ପ୍ରଶାସନ ପକ୍ଷରୁ ଏ ସମ୍ପର୍କରେ ତିର୍ତ୍ତୋଲ ଥାନାରେ ଅଭିଯୋଗ ହେବା ପରେ ପୋଲିସ ତିନିଜଣଙ୍କୁ ଅଟକ ରଖି ପଚରାଉଚରା କରିବା ପରେ ତଦନ୍ତ ଆରମ୍ଭ କରିଥିଲା । ଗତକାଲି ମନ୍ଦିର ପ୍ରଶାସନ ପକ୍ଷରୁ ଚୋରି ହୋଇଥିବା ସିଂହଦ୍ଵାର ସମ୍ମୁଖର ହୁଣ୍ଡିକୁ ସମ୍ପୂର୍ଣ୍ଣ ଖୋଲାଯାଇ ଗଣତି କରାଯାଇଛି । ବିଳମ୍ବିତ ରାତ୍ର ପର୍ଯ୍ୟନ୍ତ ହୁଣ୍ଡିରେ ଥିବା ଅର୍ଥକୁ ଗଣା ଯାଇଥିଲା । ଚୋରି ହୋଇଥିବା ହୁଣ୍ଡିରୁ ମୋଟ 16 ଲକ୍ଷ 81 ହାଜର 675 ଟଙ୍କା ମିଳିଥିବା ମନ୍ଦିର ପ୍ରଶାସନ ପକ୍ଷରୁ ସୂଚନା ମିଳିଛି ।
ଏହା ମଧ୍ୟ ପଢନ୍ତୁ- ଶାରଳା ମନ୍ଦିରର ହୁଣ୍ଡି ଭାଙ୍ଗି ଲକ୍ଷାଧିକ ଟଙ୍କା ଚୋରି, ୩ ଅଟକ