ଜଗତସିଂହପୁର: ପ୍ରଥମ ଓଡିଆ ସେନା ଉପମୁଖ୍ୟ ଭାବେ ରାଜ୍ୟ ପାଇଁ ଗର୍ବ ଆଣିଥିବା ଓଡିଆ ପୁଅ ଲେଫ୍ଟନାଣ୍ଟ ଜେନେରାଲ ଚଣ୍ଡୀ ପ୍ରସାଦ ମହାନ୍ତି ଆଜି ନିଜ ଜନ୍ମମାଟିରେ ପହଞ୍ଚିଛନ୍ତି । ଜଗତସିଂହପୁର ଜିଲ୍ଲା ଜୟଗଡ଼ରେ ଥିବା ନିଜ ଘରେ ପହଞ୍ଚି ପରିବାର ଲୋକଙ୍କ ସହିତ ସମୟ ବିତାଇଛନ୍ତି ।
ସେନା ଉପମୁୁଖ୍ୟ ଚଣ୍ଡୀ ପ୍ରସାଦ ମହାନ୍ତି
ଆଜି ସକାଳ 8ଟାରେ ଘରେ ପହଞ୍ଚି ଘର ଲୋକଙ୍କ ସହିତ କିଛି ସମୟ ବିତାଇଥିଲେ । ଏହା ପରେ ସେ ଜଗତସିଂହପୁର ଆରଧ୍ୟା ଦେବୀ ମା ଶାରଳାଙ୍କ ଦର୍ଶନ ନିମନ୍ତେ ଝଙ୍କଡ ଯାଇଥିଲେ । ମା ଶାରଳା ଓ ପ୍ରଭୁ ଜଗନ୍ନାଥଙ୍କ କୃପାରୁ ସେ ଏହି ପଦରେ ଅଳଙ୍କୃତ ହୋଇଛନ୍ତି ବୋଲି କହିଛନ୍ତି । ଏତେ ବଡ ଖୁସି ଦିନରେ ସେ ନିଜ ମାଆଙ୍କୁ ମନେ ପକାଇଛନ୍ତି । ବାପା ଓ ମାଙ୍କ ପାଇଁ ସେ ସେନାବାହିନୀରେ ଯୋଗ ଦେଇଥିବା କହିଥିଲେ। ଆଜି ମାଆ ଥିଲେ ବହୁତ ଖୁସି ହୋଇଥାନ୍ତେ ବୋଲି କହି ଭାବବିହ୍ବଳ ହୋଇ ପଡିଥିଲେ ଚଣ୍ଡୀ ପ୍ରସାଦ ।