ଜଗତସିଂହପୁର: ଭାବର ଠାକୁର ସେ କଳା ଠାକୁର । ସେହି ଜଗନ୍ନାଥ ଭକ୍ତକୁ କଥା ଦେଇ କଥା ରଖିଥିଲେ । ସେହି ବିଶ୍ବାସ ଆଜି ବି ଭକ୍ତଙ୍କ ମନରେ ରହିଛି । ମହାପ୍ରଭୁ ଶ୍ରୀଜଗନ୍ନାଥ ଗୋଟିଏ ଦିନ ପାଇଁ ଏଠାକୁ ଆସିଥାନ୍ତି । ସେହି ସ୍ଥାନଟି ହେଲା ଜଗତସିଂହପୁର ଜିଲ୍ଲା ସଦର ମହକୁମା ଠାରୁ ତିନି କିଲୋମିଟର ଦୂର ସିଦ୍ଧ ବାରଙ୍ଗ ପୀଠ ।
ସଂସ୍କୃତି ଓ ପରମ୍ପରାର ପ୍ରତୀକ ବାରଙ୍ଗ ଶ୍ରୀକ୍ଷେତ୍ର ମହୋତ୍ସବ
ଆଜିବି ଭକ୍ତଙ୍କ ମନରେ ବିଶ୍ବାସ ରହିଛି ମହାପ୍ରଭୁ ଶ୍ରୀଜଗନ୍ନାଥ ଗୋଟିଏ ଦିନ ପାଇଁ ଏଠାରେ ଅଵସ୍ଥାନ କରନ୍ତି। ସେଇଦିନ ଉତ୍ସଵ ମୁଖର ହୋଇ ଉଠେ ପବିତ୍ର ବାରଙ୍ଗ ପୀଠ। ଜିଲ୍ଲା ଓ ଜିଲ୍ଲା ବାହାରୁ ହଜାର ହଜାର ଜଗନ୍ନାଥ ପ୍ରେମୀଙ୍କ ଭିଡ ପରିଲକ୍ଷିତ ହୁଏ। ପୀଠ ପରିସରରେ ଭଜନ କୀର୍ତ୍ତନ ହୋଇଥାଏ । ଏଥିସହ ଶ୍ରଦ୍ଧାଳୁ ବଣଭୋଜି କରି ମହାପ୍ରଭୁଙ୍କୁ ନୈବେଦ୍ୟ ଅର୍ପଣ କରିଥାନ୍ତି । ଏଠାରେ ମହାପ୍ରଭୁଙ୍କ ପ୍ରାଚୀନ ମନ୍ଦିର ସହିତ ମାଳିକା ପ୍ରସିଦ୍ଧ ହନୁମାନଙ୍କ ମନ୍ଦିର ରହିଛି। ସେଥିପାଇଁ ଏହି ପୀଠକୁ ଅତି ପବିତ୍ର ସ୍ଥାନ ବୋଲି ଗଣାଯାଏ।