ଜଗତସିଂହପୁର: ପୌର ପରିଷଦ କାର୍ଯ୍ୟାଳୟରେ ଭିତରେ ପଶି ଟେଣ୍ଡର ବକ୍ସ ଭାଙ୍ଗିବା ଘଟଣାରେେ ପୋଲିସର କାର୍ଯ୍ୟାନୁଷ୍ଠାନ । ମୁଖ୍ୟ ଅଭିଯୁକ୍ତ ଜୟବଡ଼ ଅଞ୍ଚଳର ରଶ୍ମି ରଞ୍ଜନ ବେହେରାକୁ ପୋଲିସ ଗିରଫ କରିଛି । ଚଳିତ ମାସ 6 ତାରିଖରୁ 19 ତାରିଖ ପର୍ଯ୍ୟନ୍ତ 28 ଟି ପ୍ରକଳ୍ପର ଟେଣ୍ଡର ପ୍ରକ୍ରିୟା ପାଇଁ ପୌର ପରିଷଦ ପକ୍ଷରୁ ଆବେଦନର ଦିନ ଧାର୍ଯ୍ୟ ହୋଇଥିଲା ।
ଜଗତସିଂହପୁର ପୌରପରିଷଦରେ ଟେଣ୍ଡର ବକ୍ସ
ଏନେଇ ପ୍ରକ୍ରିୟା ସରିବା ସହ ସମୟ ଅବଧି ଶେଷ ହୋଇଥିଲା । ତେବେ ଗତ 24 ତାରିଖ ସକାଳ ପ୍ରାୟ 10.00ସୁଦ୍ଧା ରଶ୍ମି ରଞ୍ଜନ ପୌର ନିର୍ବାହୀ ଅଧିକାରୀଙ୍କ ଅଫିସରେ ପଶିଥିଲା । ଟେଣ୍ଡର ବକ୍ସର ସିଲ ଭାଙ୍ଗିବା ସହିତ ନିଜେ ଆଣିଥିବା ଟେଣ୍ଡର ପେପରକୁ ବକ୍ସରେ ପକାଇ ଚାଲିଯାଇଥିଲା ।