ଜଗତସିଂହପୁର: ଦେଶ ତଥା ରାଜ୍ୟରେ ପେଟ୍ରୋଲ ଏବଂ ଡିଜେଲ ଦର ବୃଦ୍ଧିକୁ ନେଇ ଜଗତସିଂହପୁର ଜିଲା କଂଗ୍ରେସ କମିଟି ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଓ ବିକ୍ଷୋଭ ପ୍ରଦର୍ଶନ କରାଯାଇଛି । ସମଗ୍ର ଦେଶରେ ଅହେତୁକ ତେଲ ଦର ବୃଦ୍ଧି ଫଳରେ ଲୋକେ ପ୍ରଭାବିତ ହୋଇଛନ୍ତି ।
ତୈଳ ଦର ବୃଦ୍ଧିକୁ ନେଇ ଜଗତସିଂହପୁର ଜିଲା କଂଗ୍ରେସର ବିକ୍ଷୋଭ
କେନ୍ଦ୍ର ସରକାର ଓ ରାଜ୍ୟ ସରକାର ମିଳିତଭାବେ ସାଧାରଣ ଜନତାଙ୍କୁ ଲୁଟୁଥିବା ଜିଲ୍ଲା କଂଗ୍ରେସ ଅଭିଯୋଗ କରିଛି । ସୋମବାର ଅପରାହ୍ନରେ ଜିଲା କଂଗ୍ରେସ ସଭାପତି ନଟବର ବାରିକଙ୍କ ନେତୃତ୍ବରେ କଂଗ୍ରେସ କର୍ମୀମାନେ ଏକ ଶୋଭାଯାତ୍ରାରେ ଆସି ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଁଛିଥିଲେ । ପରେ ସାମାଜିକ ଦୂରତ୍ବ ରଖି ଧାରଣା ଦେବା ସହିତ କେନ୍ଦ୍ର ଓ ରାଜ୍ୟସରକାରଙ୍କ ଉପରେ ବର୍ଷିଥିଲେ ଏମାନେ ।