ଜଗତସିଂହପୁର: ଜିଲ୍ଲାରେ ପ୍ୟାମିଲି କୋର୍ଟ ଓ ପୋକ୍ସୋ କୋର୍ଟକୁ ନେଇ ଆଇନଜୀବୀଙ୍କ ମଧ୍ୟରେ ବିବାଦ ଦେଖା ଦେଇଛି । କୁଜଙ୍ଗରେ ପରିବାର ଅଦାଲତ(Family Court) ଓ ପୋକ୍ସୋ ଅଦାଲତ ପ୍ରତିଷ୍ଠା ଦାବିରେ କୁଜଙ୍ଗ ଓକିଲ ସଂଘ ପକ୍ଷରୁ ଗତ ୨ ତାରିଖରେ କାର୍ଯ୍ୟବନ୍ଦ ଆନ୍ଦୋଳନ କରାଯିବା ସହ କୋର୍ଟ ବର୍ଜନ କରାଯାଇଥିଲା ।
ପରିବାର ଅଦାଲତ ଓ ପୋକ୍ସ କୋର୍ଟକୁ ନେଇ ଆଇନଜୀବୀଙ୍କ ମଧ୍ୟରେ ବିବାଦ
ପରେ କୁଜଙ୍ଗକୁ କୋର୍ଟ ସ୍ଥାନାନ୍ତର ପାଇଁ ନିଷ୍ପତି ହୋଇଛି । ମାତ୍ର ଜଗତସିଂହପୁର ବାର୍ ଆସୋସିଏସନ ପକ୍ଷରୁ ଏହି ନିଷ୍ପତିକୁ ବିରୋଧ କରାଯାଇଛି । ଜିଲ୍ଲାକୋର୍ଟ ମୁଖ୍ୟ ଫାଟକକୁ ବନ୍ଦ କରି ଦିଆଯିବା ସହ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ କୋର୍ଟ ବର୍ଜନ କରିଛନ୍ତି, ଜଗତସିଂହପୁର ବାର୍ ଆସୋସିଏସନର ସଦସ୍ୟ । ଫଳରେ ସାଧାରଣ ଲୋକେ ହଇରାଣ ହେଉଥିବା ଦେଖିବାକୁ ମିଳିଛି ।