ଜଗତସିଂହପୁର: ଜିଲ୍ଲାରେ ବିଜୁଳି ତାର ବିପଦ ସଂକୁଳ ଅବସ୍ଥାରେ ଝୁଲୁଛି। କଟକ ଜଗତସିଂହପୁର ଓ କଟକ ପାରାଦ୍ବୀପ ମୁଖ୍ୟ ରାସ୍ତା କଡରେ ଏପରି ମୁକୁଳା ଭାବେ ଝୁଲିକି ରହିଛି 11 କେଭି ବିଦ୍ୟୁତ ତାର। କେଉଁଠି ଖୁଣ୍ଟ ବଙ୍କା ହୋଇ ଗଲାଣି ତ କେଉଁଠି ବସ ଠାରୁ 2 ଫୁଟ ଉପରେ ଉଚ୍ଚ ଶକ୍ତି ସମ୍ପର୍ଣ୍ଣ 11 କେଭି ଲାଇନ ତାର। ଯଦି କିଛି ସରଞ୍ଜାମ ବସ ଉପରେ ଆସେ ତେବେ କଥା ସରିଲା। ଭଗବାନଙ୍କ ଭରସାରେ ବସ ଯାତ୍ରୀ।
ମୁକୁଳା ପଡିଛି ବିଦ୍ୟୁତ ତାର, ଭଗବାନଙ୍କ ଭରସାରେ ବସ ଯାତ୍ରୀ
ଏହାସହ ଗାଁ ଗହଳି କଥା ନକହିବା ଭଲ। ଲାଇନ ତାର କେଉଁଠି ତଳେ ଝୁଲୁଛି ତ କେଉଁଠି ରାସ୍ତା ଠାରୁ ମାତ୍ର 5 ଫୁଟ ଉପରେ। ବିଦ୍ୟୁତ ବିଭାଗ କହୁଛି ରାସ୍ତା ଉଞ୍ଚା ହେଉଥିବାରୁ ବିଦ୍ୟୁତ ତାର ଉଚ୍ଚତା କମୁଛି। ସେଥିପାଇଁ ରାସ୍ତା ନିର୍ମାଣ କରୁଥିବା ସଂସ୍ଥା ହିଁ ଦାୟୀ।