ଜଗତସିଂହପୁର: ସଦର ବ୍ଲକ ଖଇରଙ୍ଗ ପଞ୍ଚାୟତରେ ଭୁତ ଖାଇଯାଉଛନ୍ତି ଭତ୍ତା ଟଙ୍କା । ଆଜ୍ଞା ହଁ କଥା ଟି ଆଶ୍ଚର୍ଯ୍ୟ ଲାଗୁଥିଲେ ବି ସତ । ଏକାଧିକ ବ୍ୟକ୍ତିଙ୍କ ମୃତ୍ୟୁ ଘଟିଥିଲେ ସୁଦ୍ଧା ଏମାନଙ୍କ ନାମରେ ଟିପ ଚିହ୍ନ ମରାଯାଇ ଭତ୍ତା ଅର୍ଥ ଉଠାଇ ନିଆଯାଇଛି। ବର୍ଷ ବର୍ଷ ଧରି ଏହିଭଳି ସାଙ୍ଘାତିକ ଜାଲିଆତି କରାଯାଇ ସରକାରୀ ଅର୍ଥକୁ ଚଳୁ କରାଯାଇଥିବା ତଥ୍ୟ, ସୂଚନା ଅଧିକାର ଆଇନ ବଳରେ ପଦାକୁ ଆସିଛି।
ମୃତକଙ୍କ ନାମରେ ଉଠୁଛି ଟଙ୍କା, ଲାଗୁଛି ଟିପ
ସୂଚନା ଅଧିକାର ତଥ୍ୟ ଅନୁସାରେ ଏହି ପଞ୍ଚାୟତ ଖମଙ୍ଗ ଗ୍ରାମର ସୁନ୍ଦରୀ ନାଥଙ୍କ 2017 ମସିହା ମେ, 30 ତାରିଖ ରେ ମୃତ୍ୟୁ ହୋଇଛି । କିନ୍ତୁ ଆଜି ପର୍ଯ୍ୟନ୍ତ ନକଲି ଟିପରେ ତାଙ୍କ ଭତ୍ତା ଟଙ୍କା ନିଆଯାଉଛି। ସେହିପରି ସୁଦର୍ଶନ ନାଥଙ୍କ 2018 ମସିହା ଜୁଲାଇ ମାସ ବିୟୋଗ ହୋଇଥିଲେ ବି ସେ ମଧ୍ୟ ଭତା ଟଙ୍କା ନେଉଥିବା ତଥ୍ୟରୁ ଜଣା ପଡ଼ିଛି।