ଜଗତସିଂହପୁର: ଛାଡିଯାଇଛି ବନ୍ୟା ପାଣି ହେଲେ ଛାଡି ନାହିଁ ବନ୍ୟା ବିପନ୍ନଙ୍କ ପାଇଁ ଦୁର୍ଦ୍ଦଶା । କାହାର ମାଟି ଘର ଧସି ଯାଇଛି ତ କାହାର ସୁନାର ଫସଲ ଧୋଇ ଯାଇଛି । ବନ୍ୟା ପାଣି ଛା଼ଡିବା ପରେ ବି ସରିନାହିଁ କୁଜଙ୍ଗ ବାସୀଙ୍କ ଦୁଃଖ । କୁଜଙ୍ଗରେ ବନ୍ୟା ପାଣି ଛାଡିବା ପାରାଦୀପ ବିଧାୟକ ସମ୍ବିତ ରାଉତରାୟ ଏବଂ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ (Samir Ranjan Dash) ବନ୍ୟା ପ୍ଲାବିତ ଅଞ୍ଚଳ ପରିଦର୍ଶନରେ ଆସି ଲୋକଙ୍କ ସମସ୍ୟା ବିଷୟରେ ଆଲୋଚନା କରିଛନ୍ତି ।
ବନ୍ୟାଞ୍ଚଳ ପରିଦର୍ଶନ କଲେ ଗଣଶିକ୍ଷା ମନ୍ତ୍ରୀ ଛାଡୁଛି ବନ୍ୟା ପାଣି । ଧିରେ ଧିରେ ସୁଧୁରୁଛି ବନ୍ୟା ବିପନ୍ନଙ୍କ ଅବସ୍ଥା । ବନ୍ୟା ପାଣିରେ ଘରେ ପଶିଥିବା ମାଟି କାଦୁଅକୁ ସଫା କରିବାରେ ବ୍ୟସ୍ତ ଅଛନ୍ତି ବନ୍ୟା ବିପନ୍ନ । ଲଗାଣ ବର୍ଷା ଯୋଗୁଁ ଆସିଥିବା ମହାନଦୀରେ ବଡ ବନ୍ୟାରେ ଅଧିକ ପ୍ରଭାବିତ ହୋଇଥିଲା ଉପକୂଳ ଓଡିଶା । ବନ୍ୟା ପାଣି ଛାଡିବା ପରେ କୁଜଙ୍ଗ ବନ୍ୟାଞ୍ଚଳ ପରିଦର୍ଶନ କରିଛନ୍ତି ବିଧାୟକ ଓ ମନ୍ତ୍ରୀ । ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକର ଥିବା ବିଭିନ୍ନ ପଞ୍ଚାୟତ ତଥା ସାହାରାଡିଆ, ବରିହାଡିଆ,ତେରମାଣ ପୁର ପ୍ରଭୃତି ଗ୍ରାମର ଲୋକଙ୍କୁ ଭେଟି ବନ୍ୟା ସହାୟତା ବିଷୟରେ ଆଲୋଚନା କରିଥିଲେ ।
ଜଗତସିଂହପୁର ବିଧାୟକ ପ୍ରଶାନ୍ତ ମୁଦୁଲି, ପାରାଦୀପ ବିଧାୟକ ସମ୍ବିତ ରାଉତରାୟ,ଜଗତସିଂହପୁର ସାଂସଦ ରାଜଶ୍ରୀ ମଲ୍ଲିକ ଏବଂ ଗଣ ଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ବନ୍ୟାଞ୍ଚଳ ବୁଲି ଦେଖିଥିଲେ । ଚଳିତ ବନ୍ୟାରେ ଜଳବନ୍ଦୀ ଅବସ୍ଥାରେ ରହିଥିବା ଲୋକ ମାନଙ୍କ ନିକଟରେ ପ୍ରଶାସନ କେତେଦୂର ପହଞ୍ଚିଛି କି ନାହିଁ ସେ ସମ୍ପର୍କରେ ଲୋକ ମାନଙ୍କୁ ପଚାରି ବୁଝିଥିଲେ । ମନ୍ତ୍ରୀ କହିଛନ୍ତି କି ବନ୍ୟାରେ ପ୍ରଭାବିତ ହୋଇଥିବା ଲୋକଙ୍କ ସମସ୍ୟାକୁ ଗୁରୁତ୍ବ ଦିଆଯିବ ।
ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଜିରୋ କାଜୁଆଲିଟିକୁ ଗୁରୁତ୍ବ ଦେଇ ଜିଲ୍ଲା ପ୍ରଶାସନ ସେହି ଅନୁସାରେ କାର୍ଯ୍ୟ କରିଛି । ୧୭ ତାରିଖ ଠାରୁ ବନ୍ୟାଞ୍ଚଳରେ ରନ୍ଧା ଖାଦ୍ୟ ଜାରି ରହିଛି । ଆବଶ୍ୟକ ସାମଗ୍ରୀ ଶୁଖିଲା ଖାଦ୍ୟ, ପଲିଥିନ ଆସିବା ସହିତ ଗୋ ଖାଦ୍ୟ ମଧ୍ୟ ପହଁଞ୍ଚିଛି । ବନ୍ୟାରେ ଅନେକ କ୍ଷତି ହୋଇଛି, ପ୍ରଖୋର ସ୍ରୋତରେ ଘାଇ ହୋଇଛି । ମୁଁ ବ୍ୟକ୍ତିଗତ ଭାବରେ ଲୋକମାନଙ୍କ ସହିତ କଥା ହୋଇଛି । ଲୋକଙ୍କର ପ୍ରଶାସନ ଉପରେ ଭରସା ରହିଛି । ସେପଟେ ଜଗତସିଂହପୁରରେ ବନ୍ୟା ପରେ କିଭଳି ବିଭିନ୍ନ ଚାଷ କାର୍ଯ୍ୟକୁ ତ୍ବରାନ୍ବିତ କରାଯାଇପାରିବ ସେନେଇ ବ୍ଲକରେ ଏକ ସମୀକ୍ଷା ବୈଠକ ହେବାର ଯୋଜନା ରହିଛି ।
ଇଟିଭି ଭାରତ, ଜଗତସିଂହପୁର
