ପାରାଦ୍ବୀପ:ଟାଉନ ପୋଲିସକୁ ସଫଳତା । ପାରାଦ୍ବୀପ ଲକ ଥାନା ଅନ୍ତର୍ଗତ ଝିମାଣି ଗ୍ରାମରେ ଏକ ପରିବାର ଉପରେ ବିଷାକ୍ତ ତରଳ ପଦାର୍ଥ ପକାଇ ଲକ୍ଷାଧିକ ସାମଗ୍ରୀ ଲୁଟି ନେଇଥିବା ପାଞ୍ଚ ଲୁଟେରାଙ୍କୁ କାବୁ କରିବାରେ ସଫଳ ହୋଇଛି ପୋଲିସ ।
ପୋଲିସ ପଞ୍ଝାରେ ଲୁଟେରା ଗ୍ୟାଙ୍ଗ
ସୂଚନାଅନୁସାରେ,ଗତ ମେ ମାସ 28 ଓ 29 ତାରିଖରେ ପାରାଦ୍ବୀପ ଲକ ଥାନା ଅନ୍ତର୍ଗତ ଝିମାଣି ଗ୍ରାମର ସଫଳା ତରାଇଙ୍କ ଘରେ ରାତି ଅଧିଆ ପଶି ପରିବାର ଲୋକଙ୍କ ଉପରେ ବିଷାକ୍ତ ତରଳ ପଦାର୍ଥ ପକାଇବା ସହିତ ସେମାନଙ୍କ ଉପରକୁ ଆକ୍ରମଣ କରିଥିଲେ କିଛି ଲୁଟେରା । ପରିବାରର ସମସ୍ତ ସଦସ୍ୟ ଚେତାଶୂନ ହୋଇ ପଡିବା ପରେ ଲୁଟେରା ଦଳ ତାଲା ଭାଙ୍ଗି ସେମାନଙ୍କ ଘରୁ ଲକ୍ଷାଧିକ ଟଙ୍କାର ଜିନିଷ ଲୁଟି ନେଇଥିଲେ । ଏହିଭଳି ଏକାଧିକ ସ୍ଥାନରେ ବିଷାକ୍ତ ତରଳ ପଦାର୍ଥ ପକାଇ ଲୁଟ କରି ଚାଲିଥିଲେ ଲୁଟେରା । ସ୍ଥାନୀୟ ଲୋକଙ୍କ ନିଦ ଉଡାଉଥିଲେ ଲୁଟେରା ଦଳ ।