ଜଗତସିଂହପୁର: ଜିଲ୍ଲାର ତିର୍ତ୍ତୋଲ, କୁଜଙ୍ଗ ଓ ଏରସମା ବ୍ଲକ ବନ୍ୟା ଯୋଗୁଁ ବିଶେଷ ଭାବରେ କ୍ଷତିଗ୍ରସ୍ତ ହୋଇଛନ୍ତି। ଏରସମା ବ୍ଲକର ହରିପା, ପୋଦନା ଓ ସୋମପୁର ଆଦି ବର୍ଷା ପାଣିରେ ଆଜି ମଧ୍ୟ ବୁଡିଥିବାବେଳେ କୁଜଙ୍ଗ ଓ ତିର୍ତ୍ତୋଲର ବିଭିନ୍ନ ଗାଁ ମଧ୍ୟରେ ମହାନଦୀର ବନ୍ୟାଜଳ ପ୍ରବେଶ କରିଥିବାରୁ ଲୋକେ ନଦୀବନ୍ଧରେ ଆଶ୍ରୟ ନେଇଛନ୍ତି । ବର୍ତ୍ତମାନ ସୁଦ୍ଧା ଜଗତସିଂହପୁର ଜିଲ୍ଲାର ବିଭିନ୍ନ ସ୍ଥାନରେ ତୁହକୁ ତୁହା ବର୍ଷା ହେଉଥିବାରୁ ସମସ୍ୟା ଦୁଇ ଗୁଣିତ ହୋଇଛି।
କମିଛି ବର୍ଷା ଓ ବନ୍ୟା, ବଢୁଛି ପ୍ରଭାବିତଙ୍କ ଦୁର୍ଦ୍ଦଶା
ସପ୍ତାହେ ହେବ ଗାଁରେ ପାଣି ଜମି ରହିଥିବାରୁ ଲୋକଙ୍କ ପକ୍ଷେ ଯିବାଆସିବାରେ ସମସ୍ୟା ଦେଖା ଦେଇଛି । ଜିଲ୍ଲା ପ୍ରଶାସନ ପକ୍ଷରୁ କେତେକ ସ୍ଥାନରେ ଶୁଖିଲା ଖାଦ୍ୟ ବଣ୍ଟନ କରାଯାଇଥିଲେ ବି ଅନ୍ୟ କେତେକ ସ୍ଥାନରେ ପ୍ରଶାସନ ପହଞ୍ଚି ନଥିବା ଲୋକେ ଅଭିଯୋଗ କରିଛନ୍ତି ।