ଜଗତସିଂହପୁର: ଗ୍ରାମକୁ ବିଭାଜନକୁ ନେଇ ଲାଗି ରହିଥିବା ଅସନ୍ତୋଷରୁ ହଟ୍ଟାହଟ୍ଟା ହେଲେ ସରକାରୀ ଅଧିକାରୀ । ବିକାଶମୂଳକ କାର୍ଯ୍ୟର ସର୍ଭେ କରିବାକୁ ଯାଉଥିବା ପ୍ରଶାସନିକ ଅଧିକାରୀଙ୍କୁ ଅଟକ ରଖିଲେ ଗ୍ରାମବାସୀ l ଏପରି ଘଟଣା ଦେଖିବାକୁ ମିଳିଛି ଏରସମା ବ୍ଲକ ଢ଼ିଙ୍କିଆ ଗ୍ରାମପଞ୍ଚାୟତରେ । ଘଟଣାସ୍ଥଳରେ ପୋଲିସ ପହଞ୍ଚି ଅଧିକାରୀଙ୍କୁ ଗ୍ରାମବାସୀଙ୍କ ଠାରୁ ଉଦ୍ଧାର କରିଛି।
ସର୍ଭେ ପାଇଁ ଯାଇଥିବା ପ୍ରଶାସନିକ ଅଧିକାରୀଙ୍କୁ ଅଟକ ରଖିଲେ ଗ୍ରାମବାସୀ, ଉଦ୍ଧାର କଲା ପୋଲିସ
ସୂଚନା ଅନୁଯାୟୀ ଏରସମା ବ୍ଲକ ଢ଼ିଙ୍କିଆ ଗ୍ରାମପଞ୍ଚାୟତରେ ଥିବା 2ଟି ଗ୍ରାମ ପାଟଣା ଓ ମାହାଳ ଗ୍ରାମକୁ ସରକାରଙ୍କ ତରଫରୁ ରାଜସ୍ବ ଗ୍ରାମ ଘୋଷଣା କରାଯାଇଛି । ସରକାରଙ୍କ ଘୋଷଣା ପରେ ଆଜି ଏରସମା ବିଡ଼ିଓ, ତହସିଲଦାର ଓ ଆଡିସନାଲ ଏସପି ମାହାଳ ଗ୍ରାମର ବିଭିନ୍ନ ଉନ୍ନତିମୂଳକ କାର୍ଯ୍ୟର ସର୍ଭେ କରିବାକୁ ଯାଉଥିବା ସମୟରେ ଢ଼ିଙ୍କିଆ ଗ୍ରାମବାସୀ ଏହି 3 ଅଧିକାରୀଙ୍କୁ ଅଟକ ରଖିବା ସହିତ ଢ଼ିଙ୍କିଆ ଚାରିଦେଶକୁ ଖଣ୍ଡବିଖଣ୍ଡିତ କରିବାକୁ ନେଇ ପ୍ରତିକ୍ରିୟାଶୀଳ ହୋଇପଡ଼ିଥିବା ଦେଖିବାକୁ ମିଳିଥିଲା ।