ଜଗତସିଂହପୁର: ବୁଧବାର ସନ୍ଧ୍ୟାରେ ଗୋରେଖନାଥଙ୍କ ପୀଠରେ ଘଟିଛି ଏକ ଅଭାବନୀୟ ଘଟଣା । ଜଣେ ଅଜଣା ମହିଳା ଏକ ଶିଶୁକନ୍ୟାକୁ ଆଣି ସେଠାରେ ଥିବା ଜଣେ ବ୍ୟକ୍ତି ପାଖରେ ଛାଡି ମନ୍ଦିରକୁ ଦର୍ଶନ ପାଇଁ ଯାଇଥିଲେ। ମାତ୍ର କିଛି ସମୟ ପରେ ଆଉ ଫେରିନଥିଲେ।
ଗୋରେଖନାଥଙ୍କ ପାଖରେ କୁନି ଝିଅକୁ ଛାଡି ଚାଲିଗଲେ ମହିଳା
ଦୀର୍ଘ ଏକଘଣ୍ଟା ଧରି ଉକ୍ତ ବ୍ୟକ୍ତି ସେ ମହିଳାଙ୍କୁ ଖୋଜିଥିଲେ ମଧ୍ୟ ମହିଳାଙ୍କୁ ପାଇନଥିଲେ । ବାଧ୍ୟହୋଇ ସମ୍ପୃକ୍ତ ବ୍ୟକ୍ତି ଗୋରେଖନାଥ ଫାଣ୍ଡିକୁ ଖବର ଦେଇଥିଲେ। ଘଟଣାସ୍ଥଳରେ ପୋଲିସ ଶିଶୁକନ୍ୟାକୁ ଉଦ୍ଧାର କରି ତିର୍ତ୍ତୋଲ ଥାନାରେ ରଖିଥିବା ଜଣାପଡିଛି।