ଜଗତସିଂହପୁର: ଜିଲ୍ଲାରେ ରେକର୍ଡ ସଂଖ୍ୟକ 47 ଜଣ କୋରୋନା ପଜିଟିଭ ଚିହ୍ନଟ । ଜିଲ୍ଲାରେ କିଛିଦିନ ବ୍ୟବଧାନ ପରେ ଆକ୍ରାନ୍ତଙ୍କ ସଂଖ୍ୟାରେ ଅହେତୁକ ବୃଦ୍ଧି ଯୋଗୁଁ ଜିଲ୍ଲାବାସୀଙ୍କ ମଧ୍ୟରେ ଭୟର ବାତାବରଣ ରହିଛି ।
ଜଗତସିଂହପୁର ଜିଲ୍ଲାରେ 47 କୋରୋନା ପଜିଟିଭ ଚିହ୍ନଟ
ଜଗତସିଂହପୁର ଜିଲ୍ଲାରେ ଚିହ୍ନଟ ହୋଇଥିବା 47 ପଜିଟିଭ ମଧ୍ୟରୁ ସର୍ବାଧିକ 20 ଜଣ ବିରିଡି ବ୍ଲକରୁ ଚିହ୍ନଟ ହୋଇଥିବା ବେଳେ ରଘୁନାଥପୁରରୁ 13, ପାରାଦ୍ବୀପରୁ 4, କୁଜଙ୍ଗରୁ 3,ତିର୍ତ୍ତଲରୁ 2, ଏରସମା ରୁ 1 ଓ ଜଗତସିଂହପୁର ରୁ 2 ଜଣ ଚିହ୍ନଟ ହୋଇଛନ୍ତି । ସେହିଭଳି ଆଳିପିଙ୍ଗଳ ସବଜେଲ ମଧ୍ୟରୁ ଜଣେ କଏଦୀ କୋରୋନାରେ ଆକ୍ରାନ୍ତ ହୋଇଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ଯାହାକୁ ନେଇ ଜେଲ ଅନ୍ତବାସୀଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି।