ଜଗତସିଂହପୁର: ଜିଲ୍ଲା ପ୍ରଶାସନର ବିଳମ୍ବ ନିଷ୍ପତ୍ତି ଯୋଗୁ ସହରର କେତେକ ପୂଜା କମିଟି ଏବେ ଅକଳରେ ପଡିଛନ୍ତି । ଜିଲ୍ଲା ପ୍ରାଶାସନ ଏବେ ମାତ୍ର 4 ଫୁଟର ଉଚ୍ଚତା ବିଶିଷ୍ଟ ମା’ଦୁର୍ଗାଙ୍କ ମୁର୍ତ୍ତି କରିବା ପାଇଁ ଗାଇଡଲାଇନ ଜାରି କରିଥିବାବେଳେ ବିଳମ୍ବ ନିଷ୍ପତ୍ତି ଯୋଗୁ କିଛି ଅନୁଷ୍ଠାନ ମା’ଙ୍କ ବିଶାଳ ତଥା ସ୍ବାଭାବିକ ଉଚ୍ଚତାର ମୂର୍ତ୍ତି ନିର୍ମାଣ ଶେଷ କରିସାରିଥିବା ଅଭିଯୋଗ କରିଛନ୍ତି। ତେବେ ଏପରି ସ୍ଥଳେ ସେମାନଙ୍କ ପାଇଁ ଅଡୁଆ ବଢିବାରେ ଲାଗିଛି ।
ବିଳମ୍ବରେ ଜଗତସିଂହପୁର ଜିଲ୍ଲା ପ୍ରଶାସନର ଦୁର୍ଗାପୂଜା କଟକଣା, ଅଡୁଆରେ 3 ପୂଜା କମିଟି
ସହରର ଗୋପାଳ ସାଗର ପୂଜା କମିଟି, ସୋମନାଥ ହାଟ ପୂଜା କମିଟି ଓ ଜୟଗଡ ପୂଜା କମିଟିର ପୂର୍ବରୁ ନିର୍ଦ୍ଦିଷ୍ଟ ଉଚ୍ଚତାର ମୂର୍ତ୍ତୀ ନିର୍ମାଣ କରି ସାରିଥିବାବେଳେ ଜିଲ୍ଲା ପ୍ରଶାସନ ଏବେ 4 ଫୁଟରୁ କମ ଉଚ୍ଚତା ବିଶିଷ୍ଟ ମୂର୍ତ୍ତି ନିର୍ଦ୍ଦେଶକୁ ନେଇ ସମସ୍ୟାରେ ପଡିଛନ୍ତି । ଫଳରେ ଏହି 3ଟି ପୂଜା କମିଟିର ପୂଜାକୁ ନେଇ ଅନିଶ୍ଚିତତା ଦେଖାଦେଇଛି।