ଭଞ୍ଜନଗର: ଗଞ୍ଜାମ ଜିଲ୍ଲା ସୋରଡ଼ା ଜଳଭଣ୍ଡାରରେ ବୁଡି ଯୁବକ ମୃତ । ଯୁବକ ଜଣଙ୍କ ବରାଡ଼ି ଗ୍ରାମର ଚନ୍ଦନ ତିଆଡ଼ି ବୋଲି ଜଣାପଡିଛି l
ସୋରଡ଼ା ଜଳଭଣ୍ଡାରରେ ବୁଡି ଯୁବକ ମୃତ
ସୂଚନା ମୁତାବକ, ଚନ୍ଦନ ଗତ 2 ଦିନରୁ ନିଖୋଜ ଥିଲେ । ଏନେଇ ପରିବାର ପକ୍ଷରୁ ସୋରଡ଼ା ଥାନାରେ ଅଭିଯୋଗ କରାଯାଇଥିଲା । ତେବେ ଗୁରୁବାର ସନ୍ଧ୍ୟାରେ ସୋରଡ଼ା ଜଳଭଣ୍ଡାରର ମେରାଠି ବାଙ୍କ ନିକଟରେ ଜଣେ ଯୁବକ ପାଣିରେ ଭାସୁଥିବା ଦେଖି ଲୋକେମାନେ ପୋଲିସକୁ ସୂଚନା ଦେଇଥିଲେ l ସୋରଡ଼ା ଥାନା ଅଧିକାରୀ ଅଗ୍ନିଶମ ବିଭାଗ ସହାୟତାରେ ଯୁବକଙ୍କ ମୃତଦେହ ଉଦ୍ଧାର କରିଥିଲେ। ତେବେ ଯୁବକ ଜଣକ ଚନ୍ଦନ ବୋଲି ପରିବାର ଲୋକେ ଚିହ୍ନଟ କରିଥିଲେ ।