ବ୍ରହ୍ମପୁର:ଦୁଇ ଦିନିଆ ଗଞ୍ଜାମ ଗସ୍ତରେ ଆସି ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଲେ କେନ୍ଦ୍ର ରେଳ ଓ ବୟନଶିଳ୍ପ ରାଷ୍ଟ୍ରମନ୍ତ୍ରୀ ଦର୍ଶନା ଜରଦୋଷ। ମୋ ମାଟି ମୋ ଦେଶ ଅଭିଯାନରେ ପାତ୍ରପୁର ଠାରେ ମାଟି ସଂଗ୍ରହ କରିବା ସହ ବିଦ୍ୟାଳୟରେ ଛାତ୍ରୀଙ୍କୁ ସାନିଟାରୀ ନାପକିନ୍ ବଣ୍ଟନ କରିଛନ୍ତି ରାଷ୍ଟ୍ରମନ୍ତ୍ରୀ ଦର୍ଶନା । ବୁଧବାର ଗଞ୍ଜାମ ଗସ୍ତରେ ଆସି ଖଲ୍ଲିକୋଟ୍ ଅଞ୍ଚଳର ବିଭିନ୍ନ କାର୍ଯ୍ୟକ୍ରମରେ ଯୋଗଦାନ ପରେ ଦ୍ବିତୀୟ ଦିନରେ ଜିଲ୍ଲାର ଗୋପାଳପୁର ଠାରେ ବସ୍ତି ସମ୍ପର୍କ ଅଭିଯାନ କାର୍ଯ୍ୟକ୍ରମରେ ଯୋଗଦାନ କରିଥିଲେ । ଏହାପରେ ବସ୍ତି ଲୋକଙ୍କ ସହ ଆଲୋଚନା କରିଥିଲେ ।
ପରେ ପି.ଏମ୍ ହାଇସ୍କୁଲ ପରିଦର୍ଶନ କରି ସେଠାରେ ନବମ ଶ୍ରେଣୀ ଛାତ୍ରୀଙ୍କୁ ସାନିଟାରୀ ନାପକିନ୍ ବଣ୍ଟନ କରିଥିଲେ । ସେହିପରି କେନ୍ଦ୍ର ସରକାରଙ୍କ ବିଭିନ୍ନ ଶିକ୍ଷା ସମ୍ପର୍କୀୟ ଯୋଜନା ଗୁଡିକ ବୁଝାଇବା ସହିତ ଝିଅ ମାନେ ଉଚ୍ଚଶିକ୍ଷିତ ହୋଇ ଆଗକୁ ବଢିବା ନିମନ୍ତେ ଅନେକ ଉପଦେଶ ଦେଇଥିଲେ । ବିଦ୍ୟାଳୟର ପ୍ରଧାନଶିକ୍ଷକ ତଥା ଶିକ୍ଷକ ମାନଙ୍କ ସହ ଆଲୋଚନା କରିଥିଲେ ଦର୍ଶନା ଜରଦୋଷ । କେନ୍ଦ୍ରମନ୍ତ୍ରୀଙ୍କ ଗସ୍ତ ସମୟରେ ଗଞ୍ଜାମ ବିଜେପି ସଭାପତି ବିଭୂତି ଭୂଷଣ ଜେନା, ବରିଷ୍ଠ ବିଜେପି ନେତା କାହ୍ନୁ ଚରଣ ପତି, ପଞ୍ଚାନନ ବେହେରା ସମେତ ଅନେକ କର୍ମକର୍ତ୍ତା ପ୍ରମୁଖ ସାମିଲ ହୋଇଥିଲେ । ବିଦ୍ୟାଳୟ ପ୍ରଧାନ ଶିକ୍ଷକ ବିନୋଦିନୀ ସାହୁ କେନ୍ଦ୍ରମନ୍ତ୍ରୀଙ୍କୁ ସ୍ଵାଗତ କରିବା ପରେ ବିଦ୍ୟାଳୟ ପରିଦର୍ଶନ କରାଇଥିଲେ ।
ଏହା ମଧ୍ୟ ପଢନ୍ତୁ-ବିଜେପିର ଜନସମ୍ପର୍କ ଅଭିଯାନ: ବ୍ରହ୍ମପୁରରେ ରାଷ୍ଟ୍ରମନ୍ତ୍ରୀ ଦର୍ଶନା ଜରଦୋଷ