ଭଞ୍ଜନଗର: ସରିଛି ଦ୍ବିତୀୟ ପର୍ଯ୍ୟାୟ ମତଦାନ। ମାତ୍ର ମତଦାନ ସମୟରେ ଗଞ୍ଜାମ ଜିଲ୍ଲା ପୋଲସରାରେ ଦେଖାଦେଇଥିଲା ରାଜନୈତିକ ହିଂସା। କିଛି ଦୁର୍ବୃତ୍ତ ଏକ ଚାରି ଚକିଆ ଗାଡି ଉପରକୁ ପଥର ମାଡ କରିଥିଲେ। ଏହି କାରଣରୁ ଚାଳକ ନିରଞ୍ଜନ ସାହୁ ଗୁରୁତର ଓ ଗାଡିରେ ବସିଥିବା କାହ୍ନୁଚରଣ ସ୍ବାଇଁ ଗୁରୁତର ହୋଇଛନ୍ତି।
ଦ୍ବିତୀୟ ପର୍ଯ୍ୟାୟ ମତଦାନ: ଗାଡି ଉପରେ ଢେଲା ମାଡ, 2 ଆହତ
ମତଦାନ ବେଳେ ପୋଲସରାରେ ରାଜନୈତିକ ହିଂସା। କିଛି ଦୁର୍ବୃତ୍ତ ଏକ ଚାରି ଚକିଆ ଗାଡି ଉପରକୁ ପଥର ମାଡ କରିଥିଲେ। ଆକ୍ରମଣରେ ଗାଡି ଚାଳକ ନିରଞ୍ଜନ ସାହୁ ଓ ଯାତ୍ରୀ କାହ୍ନୁଚରଣ ସ୍ବାଇଁ ଗୁରୁତର ହୋଇଛନ୍ତି।
ଫଟୋ ସୌଜନ୍ୟ: ସମ୍ବାଦଦାତା, ପ୍ରତିନିଧି, ବ୍ରହ୍ମପୁର
ଗୁରୁତର ହୋଇଥିବା କାହ୍ନୁଙ୍କୁ ବ୍ରହ୍ମପୁର ସ୍ଥାନାନ୍ତରିତ କରାଯାଇଛି। ପୋଲସରାର ରାଣୀପଡା ଛକ ନିକଟରୁ କାହ୍ନୁ ଫେରୁଥିବା ବେଳେ ମେଡିକାଲ ଛକ ନିକଟରେ କେତେକ ଦୁର୍ବୃତ୍ତ ତାଙ୍କ ଉପରେ ସଙ୍ଘବଦ୍ଧ ଆକ୍ରମଣ କରିଥିଲେ। ଗାଡି ଉପରକୁ ପଥର ଓ ଢେଲା ମାଡ କରିବାରୁ ଏଭଳି ଘଟଣା ଘଟିଥିବା କୁହାଯାଇଛି। ଏନେଇ ପୋଲିସ ପକ୍ଷରୁ ତଦନ୍ତ କରାଯାଉଛି।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ