ଭଞ୍ଜନଗର: ଗଞ୍ଜାମ ଜିଲ୍ଲାର ବୁଗୁଡା ରେଞ୍ଜ ଅଧିନସ୍ଥ ନଗୁଡ଼ୁ ଗ୍ରାମ ନିକଟ ବଡପାହାଡ଼ରୁ ଗତକାଲି ବାରାହା ଫାଶରୁ ଉଦ୍ଧାର ହୋଇଥିବା କଲରାପତରିଆ ବାଘର ମୃତ୍ୟୁ ପରେ ନିୟମ ଅନୁଯାୟୀ ଶେଷକୃତ୍ୟ ସମ୍ପନ୍ନ କରାଯାଇଛି । ଶୁକ୍ରବାର ଦକ୍ଷିଣାଞ୍ଚଳ ମୁଖ୍ୟ ବନ ସଂରକ୍ଷକ ପ୍ରଶାନ୍ତ ମିଶ୍ର ଘଟଣାସ୍ଥଳରେ ପହଞ୍ଚି ତଦନ୍ତ ପରେ ସରକାରଙ୍କ ନିୟମ ଅନୁଯାୟୀ ବୁଗୁଡା ରେଞ୍ଜ କାର୍ଯ୍ୟାଳୟ ପରିସରରେ ହିଁ ବାଘର ଶେଷକୃତ୍ୟ ସମ୍ପନ୍ନ କରାଯାଇଛି ।
ବାରାହା ଫାଶରୁ ଉଦ୍ଧାର ହୋଇଥିବା କଲରାପତରିଆର ଶେଷକୃତ୍ୟ ସମ୍ପନ୍ନ ଗତକାଲି(ଗୁରୁବାର) ବୁଗୁଡା ବନାଞ୍ଚଳ ନଗୁଡ଼ୁ ଗ୍ରାମ ନିକଟରେ ବାରହା ଶିକାର ପାଇଁ ଲାଗିଥିବା ଫାସରେ ପଡିଯାଇଥିଲା ଏହି କଲରା ପତରିଆ ବାଘ । ଦୀର୍ଘ ସମୟ ଧରି ଫାସରେ ପଡି ଛଟପଟ ହେଉଥିବା ବାଘକୁ ଦେଖିବା ପରେ ବନ ବିଭାଗର ଏକ ଟିମ ବାଘକୁ ଉଦ୍ଧାର କାର୍ଯ୍ୟରେ ଲାଗିଥିଲେ । ଉଦ୍ଧାର ପରେ ବାଘକୁ କିରିଆମ୍ବା ଜଙ୍ଗଲରେ ଛାଡିବାକୁ ଯୋଜନା କରିଥିଲା ବନବିଭାଗ କିନ୍ତୁ ତା' ପୂର୍ବରୁ ବାଘଟିର ମୃତ୍ୟୁ ଘଟିଥିଲା । ଆଜି ବାଘଟିର ବ୍ୟବଚ୍ଛେଦ କରି ବୁଗୁଡ଼ା କାର୍ଯ୍ୟାଳୟରେ ପୋତି ଦିଆଯାଇଛି ।
ଭଞ୍ଜନଗରରୁ ରଞ୍ଜନ ସ୍ବାଇଁ , ଇଟିଭି ଭାରତ
