ବ୍ରହ୍ମପୁର: ମାନବସେବା ହିଁ ମାଧବ ସେବା । ଏହି ଉକ୍ତିକୁ ସତ କରି ଲୋକଙ୍କ ସେବାରେ ଆଗେଇ ଚାଲିଛନ୍ତି ରାଷ୍ଟ୍ରପତି ପୁରସ୍କାର ପ୍ରାପ୍ତ ସ୍ବାସ୍ଥ୍ୟକର୍ମୀ କେ. କ୍ରିଷ୍ଣା କୁମାରୀ । ଏବେ ତାଙ୍କ ସେବା ମନବୃତ୍ତି କାହାଣୀକୁ ଦୁନିଆ ଦେଖିବ କାରଣ ତାଙ୍କ ଜିବନୀ ଉପରେ ନିର୍ମାଣ ହେଇଛି ଫିଲ୍ମ ‘ତେଜସ୍ବିନୀ’ । ଯାହାକୁ ନେଇ ବିଶ୍ବର 42ଟି ଦେଶରେ ଏହାକୁ ପ୍ରଦର୍ଶିତ କରାଯାଇଥିବା ବେଳେ ଲଣ୍ଡନରେ ଏହାକୁ ପୁରସ୍କୃତ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦାଦାତା, ବ୍ରହ୍ମପୁର
ଗଞ୍ଜାମ ଜିଲ୍ଲାର କୁକୁଡାଖଣ୍ଡି ବ୍ଲକରେ କାର୍ଯ୍ୟରତ ସ୍ବାସ୍ଥ୍ୟକର୍ମୀ ପିଲାଠାରୁ ବୁଢା ଯାଏଁ ସମସ୍ତଙ୍କଠାରେ କ୍ରିଷ୍ଣା ଦିଦି ରୂପେ ପରିଚିତ । ତାଙ୍କ ସେବା ମନବୃତ୍ତି ପାଇଁ ସେ ସବୁଠି ପ୍ରଶଂସା । ଡାକ୍ତରଖାନାରେ ସେବା କରିବା ଛଡା ଅଞ୍ଚଳବାସୀଙ୍କୁ ବିଭିନ୍ନ ସଚେତନତା ବାର୍ତ୍ତା ମଧ୍ୟ ଦେଇଥାଆନ୍ତି । ଶିଶୁ ଓ ମାତୃହାର ରୋକିବା ନେଇ ଅନେକ ପଦକ୍ଷେପ ଗ୍ରହଣ କରିଛନ୍ତି କ୍ରିଷ୍ଣା ଦିଦି ।