ବ୍ରହ୍ମପୁର: ତ୍ରିସ୍ତରୀୟ ପଞ୍ଚାୟତ ନିର୍ବାଚନର ଦ୍ବିତୀୟ ପର୍ଯ୍ୟାୟ ନିର୍ବାଚନ ଶେଷ ହୋଇଛି । ଦ୍ୱିତୀୟ ପର୍ଯ୍ୟାୟ ନିର୍ବାଚନରେ ସୋରଡା ବ୍ଲକ୍ ଅଞ୍ଚଳର ୩ଶହ ୩୮ଟି ପୋଲିଂ ବୁଥରେ ୧ ଲକ୍ଷ ୯ ହଜାର ୨ ଜଣ ଭୋଟରଙ୍କ ମଧ୍ୟରୁ ୬୨ ପ୍ରତିଶତ ଭୋଟର ନିଜର ମତ ସାବ୍ୟସ୍ତ କରିଛନ୍ତି । ଠିକ୍ ସେହିଭଳି ରଙ୍ଗେଇଲୁଣ୍ଡା ବ୍ଲକ୍ର ୪ଶହ ପୋଲିଂ ବୁଥରେ ୧ଲକ୍ଷ ୪୦ ହଜାର ୫ଶହ ୨୮ ଭୋଟରଙ୍କ ମଧ୍ୟରୁ ୬୪.୪୩ ପ୍ରତିଶତ ଭୋଟର ଭୋଟ ଦେଇଛନ୍ତି ।
ସେହିଭଳି ସାନଖେମୁଣ୍ଡି ବ୍ଲକରେ ୩ଶହ ୬୭ ପୋଲିଂ ବୁଥରେ ୧ଲକ୍ଷ ୩୭ ହଜାର ୨ଶହ ୩୯ ଜଣ ଭୋଟରଙ୍କ ମଧ୍ୟରୁ ୬୪ ପ୍ରତିଶତ ଲୋକେ ଭୋଟ ଦେଇଛନ୍ତି । ଚିକିଟି ବ୍ଲକର ୨ ଶହ ୪୬ଟି ପୋଲିଂ ବୁଥରେ ୯୨ ହଜାର ୯ଶହ ୩୭ ଭୋଟର ମଧ୍ୟରୁ ୬୫.୩୬ ପ୍ରତିଶତ ମତଦାନ ହୋଇଛି । ସେହିପରି ଯଥାକ୍ରମେ, ବୁଗୁଡା ବ୍ଲକ୍ର ୨ଶହ ୮୭ଟି ମତଦାନ କେନ୍ଦ୍ରରେ ୯୮ ହଜାର ୩ଶହ ୮୦ଜଣ ମତଦାତା ମଧ୍ୟରୁ ୬୪.୪୩ ପ୍ରତିଶତ ଭୋଟ ଦେିଛନ୍ତି ।