ଭଞ୍ଜନଗର: କୋରୋନାକୁ ପ୍ରତିରୋଧ କରିବା ପାଇଁ ନିଜ ଅଞ୍ଚଳକୁ ସଡାଉନ କଲେ ବେଲଗୁଣ୍ଠା ବ୍ଲକର ଗୋବରା ସରପଞ୍ଚ ଇନ୍ଦ୍ରାବାଇ ରାଜୁ । ସେ ଆଜି(ରବିବାର) ଜିଲ୍ଲାପାଳ କ୍ଷମତା କାର୍ଯ୍ୟକାରୀ କରି ଗୋବରା ଓ ବାସୁଦେବପୁର ଦୁଇ ଗ୍ରାମକୁ ଅନିର୍ଦ୍ଧିଷ୍ଟ କାଳ ପାଇଁ ସଟଡାଉନ ଘୋଷଣା କରିଛନ୍ତି । ଏହାଛଡା ଉକ୍ତ ଦୁଇ ଗ୍ରାମକୁ ସାନିଟାଇଜ କରାଯାଇଛି ।
ଜିଲ୍ଲାରେ ଦିନକୁ ଦିନ କୋରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି । ଏହି ସମୟରେ ନିଜ ଅଞ୍ଚଳରେ କିଛି କୋରୋନା ସନ୍ଦିଗ୍ଧ ଚିହ୍ନଟ ହେବାପରେ ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ଏଭଳି ନିଷ୍ପତ୍ତି ଗ୍ରହଣ କରିଛନ୍ତି ସରପଞ୍ଚ। ଅନ୍ୟପଟେ ବର୍ତମାନ ବହୁମାତ୍ରାରେ ପ୍ରବାସୀ ଗ୍ରାମର କ୍ଵାରୋଣ୍ଟାଇନ ରହୁଥିବା ବେଳେ ଅଞ୍ଚଳବାସୀ ଆତଙ୍କିତ ହୋଇରହିଛନ୍ତି । ତେଣୁ ସରପଞ୍ଚଙ୍କ ସଟଡାଉନ ଘୋଷଣାକୁ ଅଞ୍ଚଳବାସୀ ପୂର୍ଣ୍ଣ ସମର୍ଥନ ଜଣାଇଛନ୍ତି।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ